भक्तपुर, ३१ साउनभक्तपुर प्रहरीले बरामद गरेको अबैध घरेलु मदिरा नष्ट गरेको छ । प्रहरीले चेकजाँचको क्रममा बिभिन्न मितिमा बरामद गरेको मदिरा बिहीवार नष्ट गरेको हो ।
महानगरीय प्रहरी परिसर भक्तपुर तथा मातहत कार्यालयहरूले चेकजाँचको क्रममा कब्जा गरेको १ हजार ३ सय २० लिटर घरेलु मदिरा विहीवार परिसर हाताभित्र पोखेर नष्ट गरिएको थियो ।
परिसर प्रमुख एसपी हिमालयकुमार श्रेष्ठको निर्देशनमा उक्त मदिरा नष्ट गरिएको हो । उक्त अवसरमा नेपाल पत्रकार महासंघ , जिल्ला शाखा भक्तपुरका अध्यक्ष पुस्कर बुढाथोकी लगायत जिल्लाका अधिकांस पत्रकारहरुको पनि उपस्थिति रहेको थियो ।
मदिरा स्वास्थ्यका लागि जति खराव हुन्छ , त्यो भन्दा कयौ गुणा अवैध मदिराले खरावी गर्ने जानकारहरु बताउँछ्न् । यसले ज्यानको समेत जोखिम हुने हुनाले अबैध मदिराको कारोवारमा प्रहरीले कडाइको साथ् चेकजाँच गर्नेगरेको प्रहरीले दावी गरेको छ ।
प्रहरीले जति नै कडाइ गरे पनि अवैध मदिरा बरामद हुने क्रम पनि रोकिएको भने छैन । यसमा प्रहरीको एकल प्रयासले मात्र नहुने भन्दै अवैध मदिराको कारोवारलाई निरुत्साहित गर्न बिक्रेता, उपभोक्ताका साथै सबैको सहयोग आवश्यक रहेको प्रहरीको भनाइ रहेको छ ।