News Portal

  • विद्यार्थी न्युन भएकोले छात्रबृत्ती दिने भक्तपुर नगरपालिकाको निर्णय

    अन्नपूर्ण केसीभक्तपुर, ६ भदाै
    ३१०५ पटक
    भक्तपुर, ६ भदाै

    विद्यार्थीले आफूले सिकेको ज्ञान र शिपलाई आफ्नै देश र समाजको हितका लागि उपयोग गर्नुपर्नेमा जोड दिएका छन् । विभिन्न क्षेत्रमा सफल विद्यार्थीले उच्च शिक्षा अध्ययनका लागि विदेश गए पनि त्यहाँंबाट सिकेको ज्ञान शिपलाई स्वेदशकै हितका लागि लगाउनुपर्नेमा जोड दिए ।

    ख्वप कलेज देकोचा भक्तपुरले उच्च शिक्षा पहुँंच र दृष्टिकोण विषयमा पूर्व विद्यार्थीसँंग बुधबार गरेको प्लानलिष्ट डिसकसन कार्यक्रममा सहभागी विद्यार्थीले जुनसुकै संकायमा पनि उतिकै स्कोप भएको भन्दै लहैलहैमा लागेर नभइ वुझेर विषय छनौट गर्न सुझाए । कलेजमा एमए अंग्रेजीको अध्ययन पूरा गरी हाल बागेश्वरी माध्यमिक विद्यालयमा कक्षा ११ र १२ का अंग्रेजी शिक्षक राजन फेलू, पत्रकारितामा स्नातक गरी हाल अन्नपूर्ण मिडिया नेटवर्कको सम्पूर्ण साप्ताहिककी समाचारदाता श्रृजना खड्काले उच्च शिक्षाका लागि विदेशमा जाने र उही वस्ने प्रबृति उचित नभएको बताए । उनीहरुले भने, ”इच्छाशक्ति भए स्वदेशमै प्रसस्त स्कोप छ ।”

    प्लानलिष्टमा सहभागी कलेजका एमएसीका पूर्व विद्यार्थी राजु जति, अर्का एमएसीका सरिता लवजू, वीएसडव्लूका अस्मिता राई र शुशिला श्रेष्ठले उच्च शिक्षापछि एनजीओ, आईएनजीओमा जागिर गई राम्रो कमाउँंला भन्दा पनि समाज राष्ट्रकाे हितलाई ध्यान दिनुपर्ने बताए ।

    विद्यालयबाट बीएवीएसडव्लू व्याच २०७२ तथा बीएस्सी वातावरण विज्ञान र फिजिक्स व्याच २०७१ व्याचका विद्यार्थीलाई विदाई कार्यक्रममा कलेज व्यवस्थापन समितिका अध्यक्ष एवं भक्तपुर नगरपालिकाका प्रमुख सुनिल प्रजापतिले हरेक विषयको आआफनै महत्व भएको बताए ।

    देशको लागि आवश्यक विषयलाई ध्यान दिएर पढ्नुपर्ने विषयमा उनले जोड दिए । भक्तपुर नगरपालिकाले यसका लागि छात्रबृति दिन सुरु गरेको उनको दाबी छ ।  इतिहास, राजनीतिशास्त्र पढ्ने विद्यार्थी न्युन जस्तै भएको पाइएकाले भक्तपुर नगरपालिका क्षेत्रका विद्यार्थीलाई यी विषय अध्ययन गर्दा नगरपालिकाले छात्रबृति दिने निर्णय गरेको जानकारी गराए । यसका लागि कार्यविधि बनाउन सुरु भएको उनले बताए ।

    कार्यक्रममा कलेजका प्राचार्य रुपक जोशी, बीए वीएसडव्लू तथा एमए इन्चार्ज कमिनिका न्याईच्वाई लगायतले विद्यार्थीले आफ्नो लागि मात्र नभई समाजको लागिसमेत काम गर्नुपर्नेमा  जोड दिए ।

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...