भक्तपुर, १० भदाैभक्तपुरमा करेन्ट लागेर एकजनाको मृत्यु भएको छ भने अर्का एक गम्भीर घाइते भएका छन ।
भक्तपुर नगरपालिका- १० कमलबिनायकमा नाती प्रजापतीको बन्दै गरेको २ तले पक्की घरको छतमा काम गर्दै गर्दा करेन्ट लागेर बर्ष ५७ को रुद्र काफ्लेको मृत्यु भएको हो । शनिवार अन्दाजी ३ : ४५ बजेको समयमा घटेको थियो ।
जस्ता राख्नको लागी फलामको पाईप उठाउने क्रममा पाईपले बिजुलीको तारमा छुँदा काफ्लेको ज्यान गएको प्रहरीले जानकारी गराएको छ । उनलाई उपचारको लागी भक्तपुर अस्पताल लगिएकोमा बाटोमै मृत्यु भई सकेको भनि सम्बन्धित चिकित्सकले घोषणा गरेको डीएसपी रेवतीरमण पोखरेलले जनाए ।
काफ्लेसंगै करेन्ट लागेर घाइते भएका कमलविनायक नै बस्ने बर्ष ३८ का हिरा बहादुर खड्कालाई थप उपचारको लागी नेपाल आर्मी अस्पताल छाउनी काठमाण्डौ पुर्याइएको प्रहरीले जानकारी गराएको छ ।
उक्त स्थानमा महानगरीय प्रहरी वृत्त जगाती भक्तपुरबाट प्रहरी टोली खटि गई अनुसन्धान कार्य भईरहेको बताइएको छ ।
