भक्तपुर, १९ भदाैभक्तपुर जिल्लाको चाँगुनारायण नगरपालिका वार्ड नम्वर ३ झौखेलमा बाल्टिनको पानीमा डुब्दा एक बालकको मृत्यु भएको छ ।
सिन्धुपाल्चोक बाह्रविसे घर भई झौखेलमा डेरा गरी बस्ने देबेन्द्र श्रेष्ठको २ वर्षिय छोरा प्रत्युस् श्रेष्ठको बाल्टिनको पानीमा डुब्दा ज्यान गएको हो ।
अपरान्ह अन्दाजी १२ : २० बजेको समयमा आँगनमा खेली रहेका बालक अकस्मात पानी भरिएको बाल्टिनमा परेकाे बताइएको छ ।बाल्टिनमा डुबेर बेहोस बनेका उनलाई अभिभावकले उद्दार गरी भक्तपुर अस्पताल पुर्याएका थिए तर उनलाई अस्पतालले पनि बचाउन सकेन । उपचारकै क्रममा सम्बन्धित चिकित्सकले बालकको मृत्यु भएको घोषणा गरेको प्रहरीले जानकारी दिएको छ ।
बालकको शव पोष्टमार्टमको लागि भक्तपुर अस्पतालमा नै राखिएको र घटनाको थप अनुसन्धान कार्य भईरहेको महानगरीय प्रहरी परिसर, भक्तपुरका प्रहरी नायव उपरीक्षक रेवतीरमण पोखरेलले बताए ।