News Portal

  • ख्वप:मा पानीरोग विरुद्ध प्रदर्शन

    अन्नपूर्ण केसीभक्तपुर, २८ भदाै
    ११२६ पटक
    भक्तपुर, २८ भदाै

    पाटन एकेडमी अफ हेल्थ साइन्स (पाटन अस्पताल)बाट सम्वन्धन प्राप्त अक्सफोर्ड युनिभर्सिटी क्लिनिकल रिसर्च युनिट काठमाडौले भक्तपुरमा नाटक प्रदर्शन गरेको छ ।

    अक्सफोर्ड युनिभर्सिटी क्लिनिकल रिसर्च युनिट काठमाडौं अन्तर्गतको वन वल्र्ड थियटरले दूषित पानीबाट लाग्ने रोगविरुद्ध चेतना फैलाउने चेतनामुलक नाटक देखाएको हो ।

    अक्सफोर्ड युनिभर्सिटी क्लिनिकल रिसर्च युनिट काठमाडौं जनसम्पर्क विभाग प्रमुख सुनिता उदासले दूषित पानीबाट लाग्ने रोगविरुद्ध जनचेतना जगाउने उद्देश्यले नाटक देखाइएको जनाए । कार्यक्रममा श्रोतव्यक्ति डा नायनसी मितलले विद्यार्थीको माध्यमबाट यसबारे जनचेतना जगाउन कलेजमा कार्यक्रम गरेकोे जनाए । कार्यक्रम भक्तपुरस्थित ख्वप कलेजमा भएको थियो । त्यहाँं निशुल्क रुपमा शिक्षक विद्यार्थीलाई नाटक देखाइएको थियो । नाटकमा कलेजका शिक्षकशिक्षिका तथा वीए वीएसडव्लू, वीएस्सी इन्भाइराेमेन्ट साइन्सका विद्यार्थी दर्शकका रुपमा सहभागी रहेका थिए ।

    नाटकमा कलाकारहरु लुनिभा तुलाधर, सन्देश शाक्य, समापिका गौतमलगायतले उत्कृष्ट प्रदर्शन गरेका थिए । नाटक एक घण्टाको थियो ।
    देखाइएको नाटकमा तीनजनाको एउटा परिवार थियो । परिवारका एक सदस्य छोरीको एसईई दिने समय थियो । तिनी परीक्षाको तयारीमा थिइन् । परीक्षा हुनु एक दिन अगाडिको राति उनले क्युरिफाई नगरे (प्रशोधन नगरेको) को सार्वजनिक धाराको पानी सिधै पिउने गर्दछन् । त्यसबाट उनी विरामी पर्छिन् र अस्पताल जानुपर्ने भएर उनको परीक्षा छुटछ । त्यसकारण पानी शुद्धीकरण गरेर मात्रै पिउनुपर्छ भन्ने शन्देश नाटकमा देखाइएको छ ।

    नाटकमा सवै गाउँंलले त्यही सार्वजनिक धाराको पानी सिधै पिउने देखाइन्छ । त्यसकारण अवदेखि सिधै नभई शुद्धीकरण गरेर मात्रै पानी पिउनुपर्छ भन्ने सन्देश नाटकमा देखाइएको छ । सार्वजनिक धराको पानी शुद्धीकरण गरेर मात्रै पिउनुपर्ने मुख्य सन्देश नाटकको थियो ।
    नाटकका निर्देशक राजकुमार पुडासैनीले नाटक काठमाडौं र ललितपुरका विभिन्न ठाउँंहरुमा प्रदर्शन गर्न सकाएको जनाए । यस क्रममा यो भक्तपुरमा पहिलो पटक देखाइएको उनले जनाए ।

    कार्यक्रमपछि कलेजका उपप्राचार्य डा राजेशकुमार श्रेष्ठले नाटक टोली र संस्थालाई सम्मान गर्नुका साथै मायाको चिनो प्रदान गरेका थिए ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...