नेपालवाल संवाददाताभक्तपुर, ३ असोज
भक्तपुर, ३ असोजमध्यपुर ठिमी नगरपालिका- ४ चारदोबाटोस्थित अरनिको राजमार्गमा सडक दुर्घटना हुँदा एक पैदल यात्रीको मृत्यु भएको छ । बाटो काट्ने क्रममा ८० वर्षिय जेष्ठ नागरिक स्थानीय जोगभक्त श्रेष्ठको ज्यान गएको हो ।
भक्तपुरबाट काठमाण्डौ तर्फ जादै गरेको बा ७० प १६६५ नंवरको मोटरसाइकलले उनलाई बाटो काट्ने क्रममा ३ : ३० बजे ठक्कर दिएको थियो । गम्भीर घाईते भई उपचारको लागी नागरिक अस्पताल पुर्याईएकोमा उनको ३:५५ बजेको समयमा मध्यपुर अस्पताल रिफर गरिएको र उपचारकै क्रममा ५ : ४५ बजेको समयमा चिकित्सकले उनलाई मृत घोषणा गरिदिएको जानकारी प्राप्त भएको छ ।
मोटरसाइकल चालक भारत बिहार घर भई हाल बालकोट बस्ने बर्ष ३० को सम्लेश कुमार सिंहलाई महानगरीय प्रहरी वृत्त ठिमीमा राखी थप अनुसन्धान भैरहेको महानगरीय प्रहरी परिसर भक्तपुरका प्रवक्ता रेवतीरमण पोखरेलले बताए ।