News Portal

  • सुपर फ़ाइभ्स् कर्पोरेट च्यालेन्ज सम्पन्न, भक्तपुरलाई पराजीत गर्दै होलीडेजले हात पार्यो उपाधी

    नेपालवाल संवाददाताभक्तपुर, ६ असोज
    १६१६ पटक
    भक्तपुर, ६ असोज

    ‘सुपर फ़ाइभ्स् कर्पोरेट च्यालेन्ज’ फूटसल प्रतियोगिताको उपाधी काठमाडौको ड्रीमल्याण्ड होलीडेजले हात पारेको छ । शनिवार स्मार्ट इन्जीनियरीङ् कन्सलटेन्ट भक्तपुरलाई ३-० ले पराजीत गर्दै ड्रीमल्याण्ड होलीडेज बिजेता बनेको हो ।

    युथ वेलफेयर स्पोर्ट्स क्लब भक्तपुरद्वारा सूर्यविनायकमा आयोजित यस प्रतियोगितामा २८ टीमको सहभागीता रहेको क्लबका सदस्य सुदीप रायमाझीले जानकारी गराए । नक आउटको आधारमा खेलाइएको खेलमा प्रत्येक टीममा ५ खेलाडी रहेका थिए भने खेल बिहान ७ बजेदेखि राती ९ बजेसम्म संचालन भएको रायमाझीले बताए ।

    प्रतियोगितामा प्रथम हुने ड्रीमल्याण्ड होलीडेजलाई नगद ५० हजार, ट्रफी, मेडल र प्रमाणपत्रद्वारा पुरस्कृत गरियो भने द्वितीय हुने स्मार्ट इन्जीनियरीङ्ले नगद २५ हजार,ट्रफी , मेडल र प्रमाणपत्र प्राप्त गरेको थियो । अायोजक युथ वेलफेयर स्पोर्ट्स क्लबले भने तृतीय स्थानमै चित्त बुझाउनुपर्यो । तृतीय हुने आयोजकले नगद पुरस्कार प्राप्त गरेन । जीत हार भन्दा पनि यसमा कर्पोरेट सक्रियताले उत्साह थपेको र सफलतापूर्वक प्रतियोगिता सम्पन्न गर्न पाउदा संतोष मिलेको आयोजक युथ वेलफेयर स्पोर्ट्स क्लबका सचिव राजन श्रेष्ठको भनाई रहेको छ ।

    फूटबलप्रेमी सयौ दर्शकहरुको उपस्थितिमा संचालित उक्त प्रतियोगितामा सूर्यविनायक नगरपालिका वार्ड नम्बर– का वडाध्यक्ष किरण थापा त्यसैगरी वाईसीएल नेपालका केन्दीय सदस्य तथा श्रम तथा बैदेशिक रोजगार बिभाग प्रमुख समेत रहेका युवानेता कुमार लामा र नेपालवालका सम्पादक संजीप शुभचिन्तक अतिथिको रुपमा उपस्थित रहेका थिए ।

    अतिथिहरुले सेमिफाइनल र फाइनल खेलहरु अवलोकन गर्नुका साथै प्रथम र द्वितीय हुने टीमलाई आयोजकको तर्फबाट पुरस्कार वितरण समेत गरेका थिए ।

    प्रतिकृया दिनुहोस्

    सुवर्णेश्वर मन्दिर परिसरमा १ सय ८ शिवलिङ्ग र सप्तऋषि स्थापना

    भक्तपुरको सूर्यविनायक-५ कटुञ्जेस्थित सुवर्णेश्वर मन्दिर परिसरमा १ सय ८ शिवलिङ्ग र सप्तऋषिको स्थापना गरिएको छ...

    स्वयंसेविकालाई नियमित तालिम दिन सिडिओ शर्माको निर्देशन

    भक्तपुरकी सिडिओ रुद्रादेवी शर्माले महिला स्वयंसेविकालाई नियमित तालिम र परामर्श दिन भक्तपुर स्वास्थ्य कार्यालय र...

    निःशुल्क सेवा र औषधी प्रदान गर्दै भक्तपुर आयुर्वेद स्वास्थ्य केन्द्र

    जिल्ला आयुर्वेद स्वास्थ्य केन्द्र भक्तपुरले मंगलबार जिल्ला समन्वय समितिको हलमा स्थानीय पत्रकारहरुसँग अन्तरक्रिया कार्यक्रम सम्पन्न...

    छोटो समयमा धेरै उपलब्धि हासिल गर्नु नै वास्तविक उपलब्धि: सांसद गोसाई

    बाग्मती प्रदेशका नवनिर्वाचित सांसद सुरेन्द्रराज गोसाईले छोटो समयमा धेरै उपलब्धि हासिल गर्न सक्नु मात्र वास्तविक...

    नेपाल राष्ट्रिय कर्मचारी महासंघले स्थापना दिवसको अवसरमा शुक्रवार रक्तदान गर्ने

    नेपाल राष्ट्रिय कर्मचारी महासंघले आफ्नो स्थापना दिवसको अवसरमा रक्तदान गर्ने भएको छ । स्थापना दिवसको...