नेपालवाल संवाददाताभक्तपुर, २१ मंसिर
भक्तपुर, २१ मंसिरभक्तपुरको चाँगुननारायण नगरपालिकामा एउटा स्कूल बसले आफ्नै विद्यार्थीलाई ठक्कर दिदा उनको ज्यान गएको छ ।
रोम्बस इंग्लिस स्कूलको विद्यार्थी बोकेर फर्किएको बा.१ क ७२८५ नम्बरको बसले बसबाट ओर्लिएर बाटो काट्न लागेकी बालिकालाई ठक्कर दिदा उनको ज्यान गएको हो ।
चाँगुननारायण-८ रानीबारी सुडालमा भएको उक्त दुर्घटना सोही ठेगाना घर भएकी ७ वर्षिया प्रतिष्ठा खत्रीको ज्यान गएपछि सुडाल शोकमग्न भएको छ ।
दिउसो २:३० बजे भएको दुर्घटनाबाट घाइते बालिका खत्रीको उपचारको लागी मध्यपुर अस्पताल ल्याएकोमा ४ बजे मृत्यु भएको प्रहरी प्रवक्ता रेवतीरमण पोखरेलले पुष्टि गरे । बस चालक भक्तपुर -८ लिवाली बस्ने बर्ष ३७ को दिपक लाखेमरुलाई महानगरीय प्रहरी वृत जगातीको नियन्त्रणमा लिएर थप अनुसन्धान कार्य भईरहेको उनले बताए ।