भक्तपुर, ६ पुस भक्तपुरमा कन्टेनरले स्कुटीलाई ठक्कर दिंदा २३ वर्षिया युवतीको ज्यान गएको छ । दुर्घटना बेलुकी करीव ४ बजेको समयमा भएको थियो ।
भक्तपुर नगरपालिका- ६ ठुलो ब्यासीबाट सानो ब्यासी तर्फ आउदै गरेको ना ७ ख १६४७ नं.को कन्टेनरले सोही दिशातर्फ आउदै गरेको बा ९३ प २६९२ नं. को स्कुटीलाई ठक्कर दिँदा स्कुटीको पछाडी सवार काभ्रेको बनेपा नासिकास्थान घर भई हाल जिल्ला काठमाण्डौ सामाखुशी बस्ने
बर्ष २३ की कबिता तामाङको मृत्यु भएको छ ।
तामाङको घाईते भई उपचारका लागी भक्तपुर अस्पताल लगिएकोमा उपचारकै क्रममा मृत्यु भएको हो ।
स्कुटी चालक जिल्ला मकवानपुर बाग्मती गाँउपालिका-फापरबारी घर भई हाल जिल्ला काठमाण्डौ बालाजु बस्ने बर्ष २७ कीनानुमाया बाईबाको बि एण्ड बि अस्पताल ललितपुरमा उपचार भईरहेको छ ।
कन्टेनर चालक जिल्ला मकवानपुर थाहा नगरपालिका-२ बस्ने बर्ष ३४ को जिवन कुमार थापा महानगरीय प्रहरी परिसर भक्तपुरको
नियन्त्रणमा रहेको र दुर्घटनाको थप अनुसन्धान कार्य भइरहेको डीएसपी रेवतीरमण पोखरेलले बताए ।