नेपालवाल संवाददाताभक्तपुर, २४ पुस
भक्तपुर, २४ पुसएटिएम मेशिन फुटाइ चोरी गर्न खोज्ने २ जना पक्राउ परेका छन् । सूर्यविनायक नगरपालिका-५ सूर्यविनायकस्थित सानिमा बैंकको एटिएम मेशिन फुटाई चोरी गर्न खोज्ने २ जनालाई प्रहरीले पक्राउ गरेको हो ।
पक्राउ पर्नेहरुमा तिमाल गाउँपालिका-२ शर्सियुखर्क घर भै बनेपा बस्नने ३९ वर्षीय रमेश पाण्डे र भक्तपुर सूर्यविनायक नगरपालिका-६ बस्ने २६ वर्षीय दिनेश सुकुभुटु रहेका छन् ।
पुस १८ गते एटिएम मेशिन फुटाई चोरी गर्न लागेको भन्ने बैंकको निबेदन अनुसार महानगरीय प्रहरी वृत्त जगातीबाट खटिएको प्रहरीले खोजी गर्ने क्रममा सोमबार फेला पारी उनीहरुलाई पक्राउ गरेको हो ।
यस सम्बन्धामा प्रहरीले थप अनुसन्धान गरिरहेको जानकारी प्राप्त भएको छ ।