News Portal

  • अक्षरांकन पद्धति बारेको गुनासो मेटाउन कार्यशाला

    नेपालवाल संवाददाता२०७५ पुष २७ गते
    १५८८ पटक
    २०७५ पुष २७ गते

    काठमाडौं । माध्यमिक शिक्षा परीक्षामा अक्षरांकन पद्धति अनुसारको मूल्यांकनपछि यसका सम्बन्धमा विभिन्न गुनासाहरु सुनिन् थालेको भन्दै राष्ट्रिय परीक्षा बोर्डले यस विषयमा बृहत छलफल शुरु गरेको छ । सातै प्रदेशमा सञ्चालन गर्नेगरी बोर्डले शुक्रवार प्रदेश नम्बर ३ मा एकदिवसीय अभिमुखीकरण एवं कार्यशाला गोष्ठी सम्पन्न गरेको छ ।

    एकदिवसीय कार्यशालामा सरोकारवालाहरुलाई ६ विभिन्न समूहमा विभाजन गरी छलफल गरिएको थियो । ६ समूहले अक्षरांकन पद्धतिको प्रयोग, सैद्धान्तिक र प्रयोगात्मक परीक्षाको नतिजाको अन्तर, परीक्षाको मर्यादा र व्यवस्थापन, प्रश्नपत्रमा सुधार, प्रत्येक ग्रेडको व्याख्यालगायत विषयमा छलफल गरी निचोडको प्रस्तुतीकरण गरेका थिए ।

    कर्यक्रममा अक्षरांकन पद्धतिका बारेमा शिक्षक, विद्यार्थी र अभिभावकमा रहेको भ्रम, यसले नतिजामा पारेको प्रभाव र सिकाइ गुणस्तरको परिधिमा रहेर सामुहिक छलफल र निचोड प्रस्तुत गर्ने काम भएको थियो ।

    कार्यक्रममा स्वागत गर्दै बोर्डका निमित्त सदस्इ सचिव जंगबहादुर अर्यालले अक्षरांकन पद्धतिबारे सरोकारवालाहरुलाई सुसुचित गर्न, यसबारे देखिएको समस्या समाधान गर्न, यसबारे सरोकारवालाहरुको सुझाब लिँदै मूल्यांकन पद्धतिमा देखिएको त्रुटी कम गर्ने उद्देश्यले कार्यशाला आयोजना गरिएको जानकारी गराए ।

    २०७१ असार ३० गते पहिलो पटक अक्षरांकन पद्धति लागु गर्ने सैद्धान्तिक निर्णय र २०७२ मा कार्यविधि बनाएर २०७३ देखि यसको व्यवहारिक कार्यान्वयन शुरु भएको थियो । जुन कार्यविधि समयसापेक्ष सुधारका लागि भन्दै ५ पटक संशोधन भइसकेको छ । २०७२ सालमा तत्कालीन एसएलसी परीक्षा तर्फको प्राविधिक तर्फको नतिजा अक्षरांकन पद्धतिमा प्रकाशित गरिएको थियो ।

    २०७३ मा तत्कालीन एसएलसी परीक्षाका सवै नतिजा, २०७४ मा कक्षा ११ को र २०७५ देखि बोर्डले कक्षा १२ को नतिजा अक्षरांकन पद्धतिमा प्रकाशित गर्न शुरु गरेको छ । हाल बोर्डले माध्यमिक शिक्षाका परीक्षाका उत्तरपुस्तिका परिक्षण अंकका आधारमा गर्नेगरेपनि नतिजा भने अक्षरांकन पद्धतिमा प्रकाशित गर्दै आएको छ । बोर्डले हाल विद्यार्थीहरुलाई उत्तीर्ण र अनुत्तीर्णको व्यवस्था रहित विषयगत ग्रेड र समग्रमा स्तरीकृत अंक(GPA)का आधारमा प्राप्त ग्रेडको व्याख्या सहितको लब्धाङपत्र उपलब्ध गराउँदै आएको छ ।

    शुक्रवार आयोजित कार्यशालामा प्रा.डा. गणेशबहादुर सिंहले मूल्यांकनका विभिन्न विधि, अक्षरांकन पद्धति, विश्वमा यसको अभ्यास, सिकाइ यसको प्रभावका सम्बन्धमा अनुसन्धान रिपोर्ट प्रस्तुत गरेका थिए ।

    बोर्डका अध्यक्ष प्रा.डा. चन्द्रमणि पौडेलले माध्यमिक परीक्षाको नतिजा प्रकाशनमा अक्षरांकन पद्धति लागु भएपनि यसका सम्बन्धमा उठेका जिज्ञासा हरुको समाधानका लागि कार्यशाला आयोजना गरिएको बताए । ‘यस सम्बन्धमा उठेका विभिन्न जिज्ञासा को सरोकारवालाहरुबीच छलफल गराई आएको निचोडको प्रतिवेदन बनाइ सुधारका लागि मन्त्रालयमा पेश गरिनेछ’– पौडेलले भने ।

    प्रतिकृया दिनुहोस्

    नेपाल कोरिया मैत्री नगरपालिका अस्पतालमा नर्सिङ्ग पढाउछौं : सांसद थापा

    durlab

    प्रतिनिधि सभा सदस्य दुर्लभ थापाले मध्यपुर थिमि नगरपालिकाको नेपाल कोरिया मैत्री नगर अस्पताललाई स्वास्थ्य शिक्षासंग...

    मिटरब्याजी पीडितको माग सम्बोधन गर्ने गृह मन्त्रालयको आश्वासन

    मिटरब्याजी पीडितका समस्या समाधान गर्ने आश्वासन गृह मन्त्रालयले दिएको छ । मिटरब्याजी पीडितलाई भेट्न टंगाल...

    नेपालको अन्धोपन न्यूनीकरणमा नेत्रज्योति संघको भुमिका महत्वपुर्णः सभामुख घिमिरे

    प्रतिनिधि सभाका सभामुख देबराज घिमिरेले नेपालको अन्धोपन न्यूनीकरणमा नेत्रज्योति संघको भुमिका महत्वपुर्ण रहेको बताएका छन्...

    गोपाल नारायणको नेतृत्वमा नेराकस(निजामती)को शिक्षा विभागीय कार्यसमिति पुनर्गठन

    नेपाल राष्ट्रिय कर्मचारी संगठन (निजामती) को शिक्षा विभागीय कार्यसमिति पुनर्गठन गरिएको छ । निवर्तमान अध्यक्ष...

    मंगलवार बेलुकी गठबन्धनको बैठक बस्ने, मन्त्रिपरिषद् विस्तार गर्न छलफल गरिने

    मंगलबार सत्तारुढ गठबन्धनको बैठक बस्ने भएको छ । मन्त्रिपरिषद् विस्तारका लागि छलफल गर्न मंगलबार अपरान्ह...