भक्तपुर, २९ पुस
भक्तपुर, २९ पुस चोरीको आरोपमा भक्तपुरबाट एक युवक पक्राउ परेका छन्। मोटरसाइकल चोरीको आरोपमा उनी पक्राउ परेका हुन् ।
बा.७२ प ५९७६ नम्बरको मोटरसाइकल सहित भक्तपुर सूर्यविनायक बस्ने सर्लाही लालबन्दी नगरपालिका-४ का १८ वर्षीय सुजन बिकलाई आइतबार बिहान प्रहरीले पक्राउ गरेको हो ।
महानगरीय प्रहरी प्रभाग बालकोटबाट खटिएको प्रहरीले मध्यपुर ठिमी नगरपालिका-१ लोकन्थलीमा सवारी साधन जाँच गर्ने क्रममा उनी चोरीको मोटरसाइकलसहित पक्राउ परेका हुन् ।
शनिबार राति सूर्यबिनायक नगरपालिका-६ बाग्मती क्लब नजिकबाट हराएको राजु श्रेष्ठको उक्त मोटरसाइकल बिकले जडिबुटीतर्फ लैजाँदै गरेको अवस्थामा फेला पारी पक्राउ गरेको प्रहरीले जानकारी गराएको छ । यस सम्बन्धमा प्रहरीले थप अनुसन्धान गरिरहेको जानकारी प्राप्त भएको छ ।