भक्तपुर, २ साउन । न्याय परिषदले जिल्ला, उच्च र विशेष अदालतमा गरी एकैपटक २ सय ३६ न्यायाधीशको सरुवा गरेको छ । परिषदको बिहीबार बसेको बैठकले उच्च अदालतमा ७८ र जिल्ला अदालतमा १ सय ५६ जना न्यायाधीशको सरुवा गरेको हो ।
न्याय परिषदको बैठकले उच्च अदालतका ६ जना न्यायाधीशलाई विशेष अदालतको अध्यक्ष तथा सदस्य (न्यायाधीश) तोक्न पनि सिफारिस गरेको छ । परिषद बैठकले उच्च अदालत दिपायलका न्यायाधीश शिवराज अधिकारीलाई विशेष अदालतको अध्यक्ष तोक्न सिफारिस गरेको छ ।
यो सरुवामा भक्तपुर जिल्ला अदालतका न्यायाधिश सीता शर्मा अधिकारी सर्वोच्चमा काजमा रहदै आएकीमा सरुवा भएर मकवानपुर जिल्ला अदालत पुगेकी छन् भने काजमा रहेर भक्तपुर जिल्ला अदालतमा रहेका माधव प्रसाद अधिकारीको सरुवा यहिँ भएको छ ।
त्यसैगरी न्याय परिषद काजमा रहेकी रुपन्देही जिल्ला अदालतकी कमला पौडेल पनि सरुवा भएर भक्तपुर आएकी छन् । भक्तपुरका मात्रिका प्रसाद मरासिनी सरुवा भएर रुपन्देही जिल्ला अदालत पुगेका छन् ।
adalat सरुवा लिस्ट हेर्न यहाँ क्लिक गर्नुस्