भक्तपुरमा ठूलो बाजीमा तास खेल्नेहरु प्रहरीको फन्दामा परेका छन् । तास खेलिरहेको अवस्थामा प्रहरीले ६ जनालाई नियन्त्रणमा लिएको छ ।

भक्तपुर नगरपालिका- १ सल्लाघारीमा तास खेलिरहेको अवस्थामा ६ जना प्रहरीको फन्दामा परेका हुन् । बिशेष सुचनाको आधारमा विहीवार उनीहरुलाई समातेको महानगरीय प्रहरी परिसर भक्तपुरका सूचना अधिकारी समेत रहेका प्रहरी नायब उपरीक्षक रेवती रमण पोखरेलले पुष्टि गरे ।

प्रहरी टोलीले तास खेलिरहेको अवस्थामा नगद रु ६७ हजार ८५ रुपैया र ७ बुक तास सहित ६ जनालाई पक्राउ गरेको उनले जानकारी गराए । प्रहरीले पक्राउ परेकाहरुको नाम सार्वजनिक गरेको छैन । पक्राउ परेकाहरुलाई अहिले महानगरीय प्रहरी परिसर भक्तपुरमा राखी थप अनुसन्धान कार्य भैरहेको प्रहरीको भनाइ छ ।