News Portal

  • देवेन्द्रलाई नेकपाले दिएन जिम्मेवारी, भक्तपुर इन्चार्जको पद दिलिप प्रजापतिको पोल्टामा

    भक्तपुर, ५ साउन
    २७८० पटक
    भक्तपुर, ५ साउन

    सत्तारुढ दल नेपाल कम्युनिष्ट पार्टी (नेकपा ) ले सवै जिल्लामा जिल्ला इन्चार्जशीपको टुंगो लगाएको छ । अध्यक्षद्वय प्रचण्ड र केपी ओलीको निर्णय अनुमोदन गर्दै आज बसेको सचिवालय बैठकले इन्चार्जको टुंगो लगाएको हो ।

    नेकपाको निर्णय अनुसार भक्तपुर जिल्लाको नेकपा इन्चार्जको जिम्मेवारी दिलिप प्रजापति ‘भिष्म’ को पोल्टामा परेको छ भने सह इन्चार्ज सोम मिश्र भएका छन् । प्रजापति पूर्व माओवादी केन्द्रका नेता हुन् भने मिश्र पूर्व एमाले हुन् । उनीहरु दुवै पार्टीका केन्द्रिय सदस्य समेत हुन् ।

    नेकपाले पार्टीका पूर्व इन्चार्जलाई इञ्चार्जशीप दिने निर्णय यस अघि नै सार्वजनिक भएपछी भक्तपुरमा देवेन्द्र श्रेष्ठ इन्चार्ज हुने पक्कापक्की देखिएको थियो । पूर्व एमालेका बचन देउजा भक्तपुर पार्टीका अध्यक्ष भएकाले पूर्व माओबादीको भागमा परेको इन्चार्जमा देवेन्द्र नै एक उम्मेदवार देखिएका थिए । त्यहिँ आकलन अनुरुप नेकपा भक्तपुरका शुभेच्छुकहरुले उनलाई बधाई र शुभकामनाको वर्षात समेत गरिसकेका थिए । तर, एकाएक पार्टी केन्द्रले भने दिलिप प्रजापतिलाई इन्चार्जको जिम्मेवारी थमाइदिएको छ ।

    केन्द्रिय सदस्य समेत भएका थिएनन देवेन्द्र

    देवेन्द्र श्रेष्ठ दिवाकर जनयुद्धका बैज्ञानिक भनेर पनि परिचित नाम हो । उनी प्राविधिकको रुपमा रहेर योगदान गरेका थिए । पार्टी खुला राजनीतिमा आएपछि नेवा: राष्ट्रिय मुक्ति मोर्चाका महत्वपूर्ण जिम्मेवारीमा रहेर उनले काम गरेका थिए भने भक्तपुरको इन्चार्ज हुनुका साथै पहिलो संविधान सभा निर्वाचनमा नेमकिपा अध्यक्ष नारायणमान बिजुक्छेलाई कडा टक्कर दिएका थिए । तर पछिल्लो समय उनी राजनीति पिडित बनेका देखिन्छन । उनलाई यस अघि नेकपाले केन्द्रिय सदस्य समेत बनाउन आवश्यक ठानेन भने प्रदेश सांसद समेत उनलाई दिइएको थिएन । पूरै परिवार जनयुद्धमा सामेल देवेन्द्रलाई पार्टीले एक पछि अर्को जिम्मेवारी च्युत गर्दै जानुले उनको राजनीतिक भविश्य धरापमा पार्न खोजिएको उनका शुभेछुकहरु गुनासो गर्छन ।

    हेर्नुस इञ्चार्ज र सह–इञ्चार्जकाे नामावली

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...