भक्तपुर, ६ साउन
भक्तपुर, ६ साउन नेपाल कम्युनिष्ट पार्टीका प्रदेश नम्बर ३ का सदस्य एवं भक्तपुरका नेता देवेन्द्र श्रेष्ठ दिवाकरको अचानक स्वास्थ्यमा समस्या आएपछि उनलाई काठमाडौंस्थित गंगालाल ह्दय रोग केन्द्र पुर्याइएको छ । गएराती अचानक उनको ब्लड प्रेसर बढेपछि उनलाई गंगालाल पुर्याइएको हो ।
राती करीब १० बजे भक्तपुर अस्पताल लगिएका श्रेष्ठलाई अस्पतालले १२ बजे गंगालाल रिफर गरिदिएको थियो । उनको स्वास्थ्यमा अहिले सुधार भएको जानकारी प्राप्त भएको छ ।
भक्तपुर अस्पतालका अध्यक्षसमेत रहेका नेकपा भक्तपुरका नेता मिलन सुवालका अनुसार अहिले श्रेष्ठलाई गंगालालले डिस्चार्ज गरिदिएको छ । स्वास्थ्यमा सुधार भएपछि उनलाई भक्तपुर-१ स्थित उनको निवासमा ल्याइदैछ ।