भक्तपुर, ८ साउन सशस्त्र प्रहरी बलका १ सय ५१ डीएसपीको एकैपटक सरुवा भएको छ । मंगलवार उनीहरुको सरुवा भएको हो ।
उक्त सरुवामा भक्तपुरमा कार्यरत प्रकाश कुमार सुवेदी, सुरेन्द्र बुढाथोकी र अर्जुन खत्री पनि परेका छन् । नम्बर २८ गुल्म औधोगिक सुरक्षामा कार्यरत प्रकाश कुमार सुवेदी प्रधान कार्यालय काठमाडौ पुगेका छन् भने उनको ठाँउमा पर्वतबाट पंकज पौडेललाई ल्याइएको छ ।
त्यसैगरी २२ नम्बर गणमा कार्यरत सुरेन्द्र बुढाथोकी सिन्धुपाल्चोक पुगेका छन् उनको ठाउँमा रमेश सिङ्ग कुवर डडेल्धुराबाट सरुवा भएका छन् ।
२२ नम्बर गण, भक्तपुरमै कार्यरत अर्जुन खत्री लाई पनि छिन्नमस्ता बाहिनी महोत्तरी सरुवा गरिएको छ उनको ठाउँमा काठमाडौ बाट कमलचन्द्र गैह्रेलाई सरुवा गरिएको छ ।
प्रशासनिक दृष्टिकोण तथा आवश्यकताको आधारमा यो सरुवा गरिएको सशस्त्र प्रहरीले जनाएको छ । सरुवा भएकाहरुले साउन महिनादेखि नै सरुवा गरिएकै स्थानबाट तलब भत्ता र राशन पाउने व्यवस्था गरिएको बताइएको छ ।