News Portal

  • अपांगता भएका व्यक्तिहरुलाई रातो र निलो रंगको परिचय–पत्र वितरण शुरू

    भक्तपुर, १० साउन
    १६०० पटक
    भक्तपुर, १० साउन

    भक्तपुर नगरपालिकाले शुक्रबारदेखि भक्तपुर नगरभित्रका अपांगता भएका व्यक्तिहरुलाई रातो र निलो रंग परिचय–पत्र वितरण सुरू गरेको छ । स्थानीय सरकार सञ्चालन ऐन २०७४ को दफा १०२ ले दिएको अधिकार प्रयोग गरी परिचय–पत्र वितरण सुरू गरेको नगरपालिकाले जनाएको छ ।

    पूर्ण अशक्तलाई रातो कार्ड र अति अशक्तलाई निलो कार्ड वितरण गरिएको हो । रातो कार्ड पाउने ६० जना र निलो कार्ड पाउने १ सय ४५ जना गरी २ सय ५ जनालाई परिचय पत्र वितरण गरिएको नगरपालिकाले जनाएको छ ।त्यसैगरी उक्त अवसरमा मध्यम अपांगता भएकालाई पहेँलो र सामान्य अपांगता भएकालाई सेतो परिचय कार्ड वितरण गर्ने काम भने वडा कार्यालयबाट नै हुने जानकारी प्राप्त भएको छ ।

    परिचय पत्र वितरण कार्यक्रममा बोल्दै नगर प्रमुख सुनिल प्रजापतिले जन्म, वंश रदुर्घटनाका कारण अपांगता भएकाहरुले आफूमा भएका क्षमतालाई फरक ढंगले प्रस्तुत गरी समाजको निम्ति उदाहरणको रुपमा काम गर्नसक्ने भन्दै हौसला प्रदान गरेका थिए । उनले भक्तपुर नगरपालिकाले फरक क्षमता भएकाहरुको प्रतिभा प्रयोगका लागि विशेष योजना बनेको पनि बताए ।

    उक्त कार्यक्रममा परिचय पत्र वितरणसम्बन्धी अस्थायी समन्वय समितिका संयोजकसमेत रहेकी उपप्रमुख रजनी जोशीले भक्तपुर नगरपालिकाले अपांगता भएका व्यक्तिहरुको वृत्तिविकासको लागि रु. १५ लाख बजेट विनियोजन गरेको जानकारी गराइन । अपांगता भएका व्यक्तिहरुको लागि निःशुल्क स्वास्थ्य जाँच, आर्थिक सहुलियत, आवश्यक सहायक सामग्रीको लागि बजेट व्यवस्थापन तथा ब्रेल लिपी पाठ्यपुस्तक उपलब्धता, घुम्ती शिविर सञ्चालनलगायतका कार्यहरु गर्दै आएको जानकारी गराइन ।

    कार्यक्रममा आफ्नो धारणा राख्दै नगरपालिकाका प्रमुख प्रशासकीय अधिकृत यामलाल अधिकारीले अपांगता भएका व्यक्तिहरुहरुलाई क्रियाशील बनाइराख्ने कार्यक्रमहरु ल्याउनु आवश्यक भएको बताए भने  महानगरीय प्रहरी परिसर भक्तपुरका डीएसपी रेवतीरमण पोखरेलले अपांगता भएका व्यक्तिहरुले नागरिक हकबाट बन्चित हुनु नहुनेमा जोड दिंदै उनीहरुलाई हौसला र अवसर उपलब्ध गराउनुपर्ने बताए  ।

    कार्यक्रममा वडा नं. १ का वडाध्यक्ष श्यामकृष्ण खत्री र कार्यपालिका सदस्य रोशनमैया सुवालले पनि अपांगता भएकाहरुको लागि अवसर दिन कन्जुस्याई नगरिने प्रतिबद्धता प्रकट गरेका थिए ।

    प्रतिकृया दिनुहोस्

    नयाँदिल्ली पुगेका प्रधानमन्त्री प्रचण्डको राजनीतिक भेटवार्ता शुरु

    तेस्रो कार्यकाल सम्हालेका प्रधानमन्त्री पुष्पकमल दाहाल प्रचण्ड औपचारिक भ्रमणका लागि भारत पुगेका छन् । उनले...

    दुवाकोटस्थित गोल्डेन सुनगाभा स्कूलले नमूना संसद चलाउने

    sungava school

    भक्तपुरको चाँगुनारायण नगरपालिका वडा नं. २ दुवाकोटस्थित गोल्डेन सुनगाभा स्कूलले नमूना संसद अभ्यास गर्ने भएको...

    पूर्व सचिव उपाध्यायको स्टाटसप्रति पूर्वमन्त्री महेश बस्नेतको आपत्ति

    नेपाल सरकारका पूर्वसचिव भिम प्रसाद उपाध्यायले सामाजिक संजालमा राखेको स्टाटसप्रति पूर्व मन्त्री समेत रहेका नेकपा(एमाले)...

    साना करदातालाई राहत : वार्षिक १ करोडसम्म कारोबार गर्नेले मासिक विवरण पेश गर्नु नपर्ने

    chicken station radheradhe

    साना करदातालाई बजेटले राहत दिएको छ । मूल्य अभिवृद्धि कर(भ्याट) मा दर्ता भई वार्षिक एक...

    १७ खर्ब ५१ अर्ब रुपैयाँको बजेट प्रस्तुत (पूर्णपाठ सहित)

    सरकारले आर्थिक वर्ष २०८०/०८१ का लागि १७ खर्ब ५१ अर्ब रुपैयाँको बजेट प्रस्तुत गरेको छ...