News Portal

  • जनतालाई आत्मनिर्भर बनाउन सरकार क्रियाशील : उपाध्यक्ष भट्टराई

    भक्तपुर, १३ साउन
    १२१३ पटक
    भक्तपुर, १३ साउन

    नेकपाका नेतासमेत रहेका गरिबी निवारण कोषका उपाध्यक्ष निर्मल भट्टराईले सरकार जनतालाई आत्मनिर्भर बनाउन क्रियाशील रहेको बताएका छन् । जनता आत्मनिर्भर नभई देश आत्मनिर्भर हुन नसक्ने जिकिर गर्दै उपाध्यक्ष भट्टराईले सरकारले त्यसतर्फ कार्य गरिरहेको बताएका हुन ।

    समाज कल्याण परिषदको अनुदान सहयोगमा इरामयब जनकल्याण समाज नेपालद्वारा सूर्यविनायक- १० मा संचालित अचार बनाउने तालिमको सोमवार समापन कार्यक्रमलाई सम्बोधन गर्दै उनले सरकारले शीपमूलक तालिमहरुलाई प्राथमिकतापूर्वक अघि बढाई स्वरोजगारीको अवसर दिलाउन लागिपरेको समेत दावी गरे । उक्त अवसरमा उपाध्यक्ष भट्टराइले तालिममा सहभागीहरुलाई प्रमाणपत्र पनि वितरण गरेका थिए ।

    उक्त कार्यक्रममा भक्तपुर जिल्ला समन्वय समिति सदस्य गीता देउजा, वडा अध्यक्ष शिवराम राउत, प्रशिक्षक हिमा नेपाल, संस्थाका अध्यक्ष मैया गिरी, प्रशिक्षार्थी थदेवी पुन लगायतले तालिम औचित्व र महत्वमाथि प्रकाश पारेका थिए ।

    इरामयब जनकल्याण समाजले सूर्यविनायक नगरपालिका वडा नं १० का ३० जना महिलालाई अचार बनाउन सिकाउने ५ दिने तालिम संचालन गरेको हो । तालिममा आधुनिक प्रविधि प्रयोग गरेर गुणस्तरयुक्त अचार बनाउने तरीका सिकाइएको समाजले जनाएको छ ।

    तालिम लिएका महिलाहरुले एकल वा सामूहिक रुपमा स्थानीय कच्चा पदार्थ प्रयोग गरेर अचारको व्यवसायिक उत्पादन शुरु गर्ने बताएका छन् । यो तालिम स्थानीय कच्चा पदार्थको प्रयोग गर्न र आय आर्जन वृद्धि गर्न उपयोगी सिद्ध हुने आयोजक सस्था इरामयब जनकल्याण समाज नेपालले जानकारी गराएको छ ।

    प्रतिकृया दिनुहोस्

    बक्तृत्वकला प्रतियोगितामा मोर्डनकी छात्रा समिक्षा खनाल प्रथम

    ”शिक्षामा प्रविधिको प्रयोग, आजको आवश्यकता” विषयक बक्तृत्वकला प्रतियोगितामा मोर्डन बोर्डिङ्ग स्कूलकी छात्रा समिक्षा खनालले प्रथम...

    संक्रमित आमाबाट स्वस्थ बच्चाको जन्म

    भरतपुर अस्पतालमा विगत १० महिनामा छ जना एचआइभी संक्रमित आमाले स्वस्थ बच्चालाई जन्म दिएका छन्...

    विद्यार्थीलाई ट्राफिक सचेतना कक्षा  

    ट्राफिक प्रहरीले सामुदायिक विद्यालयका विद्यार्थीलाई ट्राफिक सचेतना कक्षा सञ्चालन गरेको छ । काठमाडौँ उपत्यका ट्राफिक...

    एउटै व्यक्ति चोरी मुद्दामा पाँचौँपटक पक्राउ

    नेपाल प्रहरीले बूढानीलकण्ठ क्षेत्रमा रु चार लाख ८८ हजार चोरी गर्ने एक जनालाई पक्राउ गरेको...

    फलोअप उपचारका लागि आज चीन जाँदै नेकपा माओवादी केन्द्रका उपमहासचिव पुन

    नेकपा माओवादी केन्द्रका उपमहासचिव वर्षमान पुन फलोअप उपचारका लागि शुक्रबार चीन जाने भएका छन् ।...