भक्तपुर, १६ साउन चाँगुनारायण नगरपालिका- ८ चरेलीमा बोलेरो जीप दुर्घटना हुँदा एकजनाको ज्यान गएको छ । बुधवार साझ ६ बजेको समयमा उक्त दुर्घटना भएको हो ।
कमलबिनायकबाट नगरकोटतर्फ जादै गरेको बा १० च ४०२६ नम्बरको को बोलेरो जीप सडकबाट करिब ५ मिटर तल खसेको थियो ।
उक्त दुर्घटनामा परी घाइते भएका सिन्धुली घर भई हाल जिल्ला भक्तपुर चाँगुनाराण – ८ कलमसी बस्ने बर्ष ३२ को कान्छा राईको मृत्यु भएको प्रहरीको भनाइ छ । उनको उपचारको क्रममा मृत्यु भएको बताइएको छ भने सोही दुर्घटनामा घाइते चालक दोलखा घर भई हाल चाँगुनारायण-७ बागेश्वरी बस्ने बर्ष २० को प्रदिप राउतलाई थप उपचारका लागि केएमसी अस्पताल सिनामंगल पुर्याइएको छ ।
त्यसैगरी बुधवार साझ ७ बजेको समयमा गठ्ठाघरमा भएको दुर्घटनामा पनि एकजनाले ज्यान गुमाएका छन् । मध्यपुर ठिमी न.पा.३ गठ्ठाघरबाट काठमाडौँतर्फ जाँदै गरेको ना ६ त ८६८ नं.को ट्याक्टरमा सोही दिशातर्फ जाँदै गरेको प्रदेश ३–०२–००३ प ५५२९ नाम्परको मोटरसाइकलले पछाडीबाट ठक्कर दिंदा मोटरसाइकलको पछाडी सवार रामेछाप सुनापाती गाउँपालिका- ३ घर भएका २९ वर्षीय रोमन तामाङको मृत्यु भएको प्रहरीले जानकारी दिएको छ ।
सोही ठेगानाका मोटरसाइकल चालक धन बहादुर थिङको ट्रमा सेन्टर काठमाडौँमा उपचार भइरहेको प्रहरीले जनाएको छ ।