प्रहरीले दुवाकोटको लूटपाटमा संलग्न एक लुटेरालाई पक्राउ गर्न सफल भएको छ । घटनाको १० महिनापछि प्रहरी लुटेरा पक्राउ गर्न सफल भएको हो ।

पक्राउ पर्नेमा सिन्धुपाल्चोक घर भएका २९ वर्षीय पदम तिमिल्सिना रहेको प्रहरीको भनाइ छ । उनलाई प्रहरीले शनिबार पक्राउ गरेको हो । महानगरीय प्रहरी वृत्त ठिमीबाट खटिएको प्रहरीले मध्यपुर ठिमी नगरपालिका-१ मनोहरा नरेफाँटमा तिमिल्सिनालाई फेला पारी पक्राउ गरेको बताएको छ ।

पक्राउ परेका तिमिल्सिनाको साथबाट नियन्त्रित लागूऔषध डाइजेपाम ६ एम्पुल, नोर्फिन ६ एम्पुल, फेनारगन ६ एम्पुल र मोबाइल ७ थान प्रहरीले बरामद गरेको बताइएको छ ।

चाँगुनारायण नगरपालिका-२ दुवाकोट हनुमन्ते पुलमा २०७५ असोज २४ गते नगद २ लाख रुपैयाँ र मोबाइल लुटपाट भएको घटनामा संलग्न रहेको अभियोगमा तिमिल्सिनापक्राउ परेका प्रहरीले जनाएको हो ।यस सम्बन्धमा प्रहरीले आवश्यक अनुसन्धान गरिरहेको बताएको छ ।