भक्तपुर, १९ साउन
भक्तपुर, १९ साउनललितपुर जिल्ला अदालत पाटनबाट ठगी मुद्दामा सजाय पाएपछि फरार भएका ठिमीका एक व्यक्ति पक्राउ परेका छन् । महानगरीय अपराध महाशाखा काठमाडौंबाट खटिएको प्रहरीको टोलीले उनलाई पक्राउ गरेको हो ।
पक्राउ पर्नेमा मध्यपुर ठिमि नगरपालिका-१ बस्ने ४८ वर्षीय सुनिल श्रेष्ठ रहेका प्रहरीले बताएको छ । उनी आइतवार पक्राउ परेका हुन् । प्रहरीले उनलाई मध्यपुर ठिमि नगरपालिका-१ बोडेबाट पक्राउ गरेको हो ।
प्रहरीका अनुसार ललितपुर जिल्ला अदालत पाटनले उनलाई एक ठगी मुद्दामा १ वर्ष १० महिना २३ दिन कैद र २६ लाख ५८ हजार ३ सय ८७ रूपैयाँ ४० पैसा जरिवाना सजाय तोकिई दिएपछि उनी फरार रहेका थिए ।
यस सम्बन्धमा प्रहरीले थप अनुसन्धान गरिरहेको बताएको छ ।