भक्तपुर, २३ साउन नेत्र विक्रम चन्द’विप्लव’ नेतृत्वको नेपाल कम्युनिष्ट पार्टी (नेकपा)का एक जिल्लास्तरीय नेता अस्पताल आउनेक्रममा बाटोमै पक्राउ परेका छन् । दूधपाटीस्थित मानव अंग प्रत्यारोपण केन्द्र आउने क्रममा उनलाई सल्लाघारीमै प्रहरीले समातेको हो ।
उपचार गर्न आएका विप्लव’ नेतृत्वको प्रतिबन्धित नेकपाका गोपाल श्रेष्ठ समातिएका हुन् । उक्त पार्टीका सिधुपाल्चोक जिल्ला पूर्व इन्चार्ज समेत रहेको श्रेष्ठलाई प्रहरीले समातेको हो ।
श्रेष्ठ मृगौलाको रोगले ग्रसित रहेको र उपचार गर्न आएका उनलाई अस्पताल सम्म पनि पुग्न नदिई पक्राउ गरिएको श्रेष्ठको पारिवारिक श्रोतले जनाएको छ । उनलाई यतिबेला सिन्धुपाल्चोकको सदरमुकाम चौतारा पुर्याइएको जानकारी प्राप्त भएको छ ।
पछिल्लो समय प्रतिबन्धित पार्टीका नेता कार्यकर्ता धमाधम पक्राउ परिरहेका छन् । उक्त पार्टीका महासचिव विप्लव र प्रवक्ता प्रकाण्डले सरकारलाई आफ्ना नेताकार्यकर्ता छाड्न चेतावनीयुक्त बिज्ञप्ती निकालिरहदा सरकारले भने थप नेता कार्यकर्ता पक्राउको क्रम जारी राखेको छ ।