जताततै लेखिएको हुन्छ -आफ्नो सामानको सुरक्षा आफैं गर्नुहोला’ त्यसैले सामान हराउँदा व्यक्ति आफैलाई दोषी मानेर दुखी हुने गर्छन । अरुलाई काम नलाग्ने सामान आफ्नो लागि अति महत्वपूर्ण हुन्छ तरपनि हराएको सामान नभेटीदाको तनाव सामान हराउनेलाइ नै बढी अनुभूत हुने कुरा हो ।

यसैबीच काठमाडौंको रानीपोखरीस्थित महानगरीय प्रहरी कार्यालयले धेरै मानिसहरुको महत्वपूर्ण कागजपत्र आफूले फेला पारेको बताएको छ । मानिसहरुको हराएका सवारी चालक अनुमति पत्र र सवारी दर्ता किताब आफूसंग सुरक्षित रहेको उक्त कार्यालयले जानकारी गराएको हो ।

भक्तपुरका ४ जनाको हराएको सामान पनि फेला पारिएकाको सूचीमा रहेको छ । भक्तपुर पोस्टलाई प्राप्त जानकारी अनुसार असिम खड्का र विदुर धनुन्जकारको हराएको सवारी चालक अनुमति पत्र रानीपोखरीस्थित महानगरीय प्रहरी कार्यालयमा सुरक्षित रहेको छ । त्यसैगरी पुण्य राम बोहजु र श्री चरण बज्राचार्यको हराएको सवारी दर्ता किताब पनि सुरक्षित राखिएको बताइएको छ ।

विभिन्न मालसामान हराउने कुरा त सामान्य भैसक्यो तर हराएका मालसामान फेला परेका घटना बिरलै हुने गर्दछन । सामान हराउदा जति दुख लाग्छ भेटिएपछि त्यो भन्दा बढी खुशी मिल्ने गर्दछ । यदि यो सामान तपाइँको आफ्नै हो भने महानगरीय प्रहरी कार्यालय रानीपोखरीको सम्पर्क नम्बर ९८५१२९८८८८ मा सम्पर्क गरेर तपाइँ सामान लिन सक्नुहुनेछ । यदि तपाइँको चिनजानका वा आफन्तहरूको हो भने उहाँहरुलाई सामान भेटिएको खवर गरिदिनुहुन भक्तपुर पोस्ट अनुरोध गर्दछ ।

यस्तै जानकारी र समसामयिक समाचारका लागि Bhaktapur Post को फेसबुक पेज लाइक गर्नुहोला ।

https://www.facebook.com/bhaktapurpost_