News Portal

  • आर्थिक नीति नै उपयुक्त छैन : अध्यक्ष थापा

    काठमाडौं, ३२ साउन
    ६४४ पटक
    काठमाडौं, ३२ साउन

    राष्ट्रिय प्रजातन्त्र पार्टीका अध्यक्ष कमल थापाले युवाहरुको रगत र पसिना बेचेर समृद्धिको सपना नदेख्न चेतावनी दिएका छन् ।

    राप्रपाको भातृ संगठन ट्रेड युनियन महासंघ नेपाल (टुकोन) को राष्ट्रिय भेला तथा प्रशिक्षण कार्यक्रमलाई आज सम्बोधन गर्दै अध्यक्ष थापाले ४५ लाख युवा विदेश निर्यात गरेर मुलुक समृद्ध नहुने बताएका हुन्।

    आफूलाई श्रमिक र किसानको प्रतिनिधी दावी गर्ने कम्युष्टिहरुको दुई तिहाइको सरकारले नेपाली युवाहरुलाई खाडीमा रगत र पसिना बेच्न बाध्य गराई रहेको उनको आरोप छ ।

    रेमिट्यान्सले देश चलाउने सरकारको ‘सुखी नेपाली र समृद्ध नेपाल’ को नारा गफमा सिमित भएको उनको भनाइ छ ।

    सरकारले अवलम्वन गरेको आर्थिक नीति नै श्रमिकमैत्री नभएको भन्दै उनले उद्योग व्यवसाय फस्टाउन नसक्नु र आर्थिक वृद्धिदर बढ्न नसक्नु त्यसकै उपज भएको बताए । ‘आर्थिक नीति नै उपयुक्त छैन, कसरी होस् प्रगती?’ उनले प्रश्न गरे ।

    उक्त अवसरमा उनले अबको निर्वाचनमा कांग्रेस र कम्युनिष्ट लाई फ्याकेर राप्रपा देशको प्रमुख शक्तिको रुपमा आउने सपना पनि देखाउन भ्याए ।

    कार्यक्रमलाई सम्बोधन गर्दै पार्टीका वरिष्ठ उपाध्यक्ष बुद्धिमान तामाङ, वरिष्ठ नेता दिपक वोहराले समेत सम्बोधन गरेका थिए ।

    ट्रेड युनियन महासंघ नेपाल (टुकोन) का अध्यक्ष हिक्मत जंग भण्डारीको सभापतित्वमा सम्पन्न उक्त कार्यक्रममा श्रमिक नेताहरु प्रेम बहादुर खत्री, युसुफ साफी, हर्कजंग थुंगीम लिम्बु लगायतले मन्तब्य व्यक्त गरेका थिए।

    प्रतिकृया दिनुहोस्

    बागमती प्रदेशको बजेट बक्तब्यमा पनि भक्तपुरको उल्लेखनीय उपस्थिति

    बागमती प्रदेश सरकारले ६४ अर्ब ५४ करोड ४ लाख ३१ हजारको बजेट सार्वजनिक गरेको छ...

    मधेसी र पहाडी मिल्नुपर्नेमा राजेन्द्र महतोको जोड

    प्रेमनाथ पौडेल, सर्लाही । पूर्व उप प्रधानमन्त्री राजेन्द्र महतोले पहाडी र मधेसीको एकतामा जोड दिएका...

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...