भक्तपुर, ३ भदौकास्की जन्मथलो भै भक्तपुरलाई कर्मथलो बनाउदै आएका सचिव खगराज बराल शिक्षाबाट सरुवा भै स्वास्थ्य मन्त्रालयमा पुगेका छन् ।
प्रधानमन्त्री तथा मन्त्री परिषद कार्यालय श्रोतले उनको शिक्षा मन्त्रालयबाट सरुवा भएको पुष्टि गरेको हो ।
सूर्यविनायक नगरपालिकास्थित बालकोटका बासिन्दा बराल शिक्षा, विज्ञान तथा प्रविधि मन्त्रालयबाट सरुवा भएर स्वास्थ्य तथा जनसंख्या मन्त्रालयमा पुगेका हुन् ।
शिक्षा मन्त्रालयले तयार पारेको राष्ट्रिय शिक्षा नीति पारित हुने भनिएको सोमबारको मन्त्री परिषदको बैठकले उक्त नीति पारित नगरेर शिक्षा सचिवकै सरुवा गरिदिएको हो । सरकारले शिक्षासचिवसँगै २० जना सचिवलाई एकैसाथ सरुवा गरेको थाहा भएको छ । प्रधानमन्त्री कार्यालय स्रोतका अनुसार वन, उर्जा, गृह, रक्षा, संचार, अर्थ, सहरी विकास मन्त्रालयका सचिव बाहेक अरु सबै मन्त्रालयका सचिव पनि सरुवा भएका छन् ।
शिक्षा सेवाबाट नै बढुवा भै सचिव भएका बराल प्रधानमन्त्री केपी ओलीको चाहना बमोजिम शिक्षा मन्त्रालयमा ल्याइएका थिए । करिव १५ महिने कार्यकालमा केहि दिन अघि मात्र बरालले शिक्षा मन्त्री गिरिराजमणि पोखरेलसंग कार्यसम्पादन करार गरेका थिए । भक्तपुर पोस्टले बरालसँग प्रतिक्रिया लिन खोज्दा उनले मोबाइल उठाएनन् ।
उनको ठाउँमा श्रमबाट महेश प्रसाद दाहाललाई ल्याइएको छ ।
