भक्तपुर, ४ भदौ खरिपाटी स्थित सैनिक प्रतिष्ठानमा करेन्ट लागि एक व्यक्तिको मृत्यु भएको छ । मृतक भारतीय नागरीक भएको खुल्न आएको छ ।
प्रहरीका अनुसार भारत मोतिहारी घर भई हाल ब्यारेक भवनमा नै बस्दै आएका १९ वर्षीय प्रदिप कुमार हजामको करेन्ट लागी मृत्यु भएको हो ।
चाँगुनारायण- ५ खरिपाटीस्थित सैनिक प्रतिष्ठानमा रहेको ब्यारेक भवनमा टायल मार्बलको काम गर्नेक्रममा उनको मृत्यु भएको प्रहरीले जनाएको छ । मंगलवार बेलुकी करिब ७ बजेको समयम करेन्ट लागि घाईते भएका हजामलाई उपचारका लागी भक्तपुर अस्पताल पुर्याइएको थियो ।
उपचारकै क्रममा करिब साढे सात बजेको समयमा सम्बन्धित चिकित्सकद्धारा उनलाई मृत घोषित गरिएको बताइएको छ ।
महानगरीय प्रहरी परिसर भक्तपुरबाट प्रहरी टोली खटि गई घटनाको अनुसन्धान गरिरहेको परिसरका सूचना अधिकारीसमेत रहेका प्रहरी नायब उपरीक्षक रेवती रमण पोखरेलले जानकारी गराएका छन् ।