भक्तपुर, ६ भदौ भक्तपुरमा शुक्रवार बिहान भएको सडक दुर्घटनामा परि एक युवकको मृत्यु भएको छ भने अर्का युवकको अस्पताल भर्ना भएका छन् ।
बिहान १०:३० बजेको समयमा मध्यपुर ठिमी-४ नयाठिमी चारदोबाटोमा मोटर साइकल र स्कूटर एक आपसमा ठोक्किदा मोटरसाइकल चालक मध्यपुर ठिमी- ५ कमेरेटार बस्ने बर्ष २२ को राजेश गोजाको ज्यान गएको हो ।
भक्तपुरबाट काठमाडौ तर्फ जादै गरेको बा ७३ प ९७२१ नं.को मोटर साइकल र कोरियन अस्पतालबाट बाटो क्रस गरी बालकोट तर्फ जादै गरेको बा ६७ प ६७५४ नं.को स्कुटी एक आपसमा ठक्कर खाँदा गोजाको ज्यान गएको हो ।
घाईते भई उपचारका लागी मध्यपुर अस्पताल अस्पताल पुर्याइएका गोजाको करीव ११:२० बजेको समयमा मृत्यु भएको चिकित्सकले घोषणा गरिदिएका हुन् ।
स्कुटी चालक भक्तपुर-५ तौमढी बस्ने बर्ष ३१ को प्रबिण लोहलाको मध्यपुर अस्पतालमा उपचार भईरहेको महानगरीय प्रहरी परिसरका सूचना अधिकारी समेत रहेका रेवती रमण पोखरेलले बताए ।
दुबै सवारी साधन महानगरीय प्रहरी वृत्त ठिमीको नियन्त्रणमा रहेको र प्रहरी टोलीले दुर्घटनाको थप अनुसन्धान कार्य गरिरहेको उनको भनाइ छ ।