News Portal

  • भक्तपुर प्रहरीको शंकामा परेपछि ५६ थान मोबाइल सहित तीनजना पक्राउ

    भक्तपुर, १७ भदौ
    १२४९ पटक
    भक्तपुर, १७ भदौ

    भक्तपुर प्रहरीले शंकाको आधारमा एक व्यक्तिलाई समाउदा चोरीको मोबाइल कारोबारी पक्राउ परेका छन् । सूर्यविनायक नगरपालिका-५ पाण्डुबजारमा शंकास्पद रुपमा हिडिरहेका एक युवकलाई केरकार गर्दा प्रहरीलाई उक्त सफलता मिलेको हो ।

    सूर्यविनायकस्थित पाण्डुबजारमा हिडिरहेका चाँगुनारायण नगरपालिका वडा नं.६ खरिपाटी बस्ने २२ बर्षिय रामकुमार लामिछाने माथि शंका लागेपछि चेकजाँच गर्दा उनको साथबाट बिभिन्न कम्पनीका बिल भरपाई नभएका १० थान मोबाईल बरामद भएपछि उनलाई महानगरीय प्रहरी वृत्त जगातीले पक्राउ गरि अनुसन्धान गरेको थियो ।

    अनुसन्धानका क्रममा लामिछानेले अन्य २ जनालाई पनि पोलेपछि प्रहरीले चोरीको मोबाइल कारोबारमा संलग्न तीनैजनालाई पक्राउ गरी आवश्यक अनुसन्धान गरिरहेको महानगरीय प्रहरी परिसर भक्तपुरका सूचना अधिकारी समेत रहेका डीएसपी रेवतीरमण पोखरेलले जानकारी गराए ।

    पोखरेलका अनुसार पक्राउ पर्ने अन्य दुई जनामा सर्लाहीको मंलगवा-४ घर भई हाल काठमाडौंको गैरीगाउँ बस्ने बर्ष २३ को रंजित कुमार पंडित र भारतको नया दिल्ली घर भई काठमाडौंको बालकुमारी डेरा गरी बस्ने बर्ष ३३ को सत्य प्रकाश रहेका छन् ।

    प्रहरीले पण्डितको कोठाबाट बिना बिल भरपाईका बिभिन्न कम्पनीका मोबाईल सेट ४२ थान र नगद नेपाली रुपैया पचपन्न हजार फेला पारेको छ भने र भारतीय नागरीक सत्य प्रकाशको कोठा तथा उनले प्रयोग गर्ने भारतीय नम्बर प्लेटकोकारबाट बिभिन्न कम्पनीका बिना बिल भरपाईका मोबाईल ४ थान रब्याट्री, डिस्प्ले, तथा भारतीय रुपैया चार हजार आठ सय चालिस बरामद गरिएको बताइएको छ ।
    पक्राउ परेको समुह भारतबाट चोरी/छली गरी ल्याएको मोबाइल नेपाली बजारमा बेच्ने र नेपालबाट चोरीएका मोबाइल भारत लगी बेच्ने गिरोह हुनसक्ने प्रारम्भिक अनुमान गरिएको छ ।

    बिभिन्न कम्पनीका मोबाईल गरी जम्मा ५६ थान मोबाईल र नगद ६२ हजार ७सय ४४ सहित पक्राउ परेका तीनै जनालाई महानगरीय प्रहरी वृत्त जगातीमा राखी चोरी मुद्धामा म्याद थप गरी आवस्यक अनुसन्धान कार्य भईरहेको डीएसपी रेवतीरमण पोखरेलले जानकारी गराए ।

    प्रतिकृया दिनुहोस्

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...