News Portal

  • ७ जिल्लाका महाधिवेशन प्रतिनिधिलाई भक्तपुरमा प्रशिक्षण : शुक्रवार शिर्ष नेताहरुको सम्बोधन

    भक्तपुर, १९ भदौ
    १७४६ पटक
    भक्तपुर, १९ भदौ

    नेपाली काँग्रेस केन्द्रीय नीति, अनुसन्धान तथा प्रशिक्षण प्रतिष्ठानले भक्तपुरमा प्रशिक्षण कार्यक्रम गर्ने भएको छ । उपत्यका र आसपासका जिल्लाका महाधिवेशन प्रतिनिधिको लागि काँग्रेसले प्रशिक्षण कार्यक्रम राखेको हो ।

    २० र २१ गतेको लागि निर्धारण गरिएको उक्त प्रदेश स्तरीय दुई दिने प्रशिक्षण कार्यक्रम भक्तपुरको बोडेमा हुने भएको हो । नेपाली काँग्रेस भक्तपुर जिल्ला कार्यसमितिले कार्यक्रमको संयोजन तथा व्यवस्थापनको जिम्मा लिएको छ । नेपाली काँग्रेसका भक्तपुर जिल्ला सभापति दुर्लभ थापाले मध्यपुरथिमी–९ बोडे स्थित कृषि विकास बैंकको तालीम केन्द्रमा उक्त प्रशिक्षण कार्यक्रम हुने र त्यसको लागि सम्पूर्ण पूर्वतयारी पूरा भएको जानकारी गराएका छन् ।

    प्रशिक्षणमा प्रदेश नम्बर ३ का ७ जिल्लाका महाधिवेशन प्रतिनिधिको सहभागिता रहने बताइएको छ । उपत्यकाका ३ जिल्लाका साथै काभ्रेपलाञ्चोक, सिन्धुपाल्चोक, दोलखा र रामेछापका प्रतिनिधि प्रशिक्षणमा सहभागी हुनेछन् । थापाका अनुसार ७ जिल्लाका ३ सय १२ जना महाधिवेशन प्रतिनिधि प्रशिक्षण कार्यक्रममा सहभागी हुँदैछन । समसायिक राजनीतिक, आर्थिक, सामाजिक लगायतका विषयमा आरजु राणा देउवा, गिरिराज शर्मा, राजु नेपाल, पुरुषोतम दाहाल लगायतले प्रशिक्षण प्रदान गर्ने जनाइएको छ ।

    उक्त प्रदेश स्तरीय प्रशिक्षण कार्यक्रमको उद्घाटन शुक्रवार बिहान १० बजे हुने बताइएको छ । नेपाली काँग्रेसका सभापति शेरबहादुर देउवाले प्रशिक्षण उद्घाटन गर्ने कार्यक्रम रहेको छ । उक्त अवसरमा काँग्रेसका शिर्ष नेताहरुले समेत सम्बोधन गर्ने जानकारी प्राप्त भएको छ । सभापति देउवा, वरिष्ठ नेता रामचन्द्र पौडेल, उपसभापति तथा केन्द्रीय नीति, अनुसन्धान तथा प्रशिक्षण प्रतिष्ठानप्रमुख बिमलेन्द्र निधि लगायतका नेताहरुले सम्बोधन गर्ने प्रशिक्षण उद्घाटन कार्यक्रममा सर्वसाधारण समेत सहभागी हुनसक्ने भक्तपुर काँग्रेसको भनाइ छ । उक्त उद्घाटन कार्यक्रम बोडेको धोबुस्थित खुलास्थलमा हुने बताइएको छ ।

    प्रतिकृया दिनुहोस्

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...

    आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन

    भक्तपुरको सूर्यविनायक- ८ संगै जोडिएको काभ्रेको बनेपा-१४ आशापुरीमा श्री झ्याङ्छुप छ्योर्तेन स्तुपा र बुद्धपार्कको उद्घाटन...

    बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन

    बुधवार बिहान त्रिभुवन बिमानस्थलमा भएको सौर्य एयरलाइन्सको जहाज दुर्घटनामा परी १८ जनाको ज्यान गएको छ...

    सौर्य एयरलाइन्स विमान दुर्घटना: १५ जनाको गयो ज्यान, ४ को जिवितै उद्धार

    सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ । उद्धार...

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...