भक्तपुर, १९ भदौ केहि दिन अघि चिनियाँ ह्याकरहरुले एटिएमबाट ठूलो रकम निकाल्न सफल भएपछि बैंकरहरु हच्किएका छन् ।
बैंक तथा वित्तीय संस्थाको पैसा जनताकै पैसा भएको भन्दै नेपाल बैंकले एटिएम कार्डबाट निकाल्न मिल्ने रकमको सीमा घटाएको छ ।
बिहिवार बैंक तथा वित्तीय संस्थालाई एक निर्देशन जारी गर्दै नेपाल राष्ट्र बैंकले डेबिट कार्डबाट प्रतिकरोवार अधिकतम रु २० हजार मात्रै नगद झिक्न मिल्नेगरी व्यवस्था गर्न निर्देशन जारी गरेको छ ।
त्यसैगरी नेपाल राष्ट्र बैंकले प्रतिदिन ६० हजार भन्दा बढी नगद एटिएम बाट झिक्न नमिल्ने गराउन निर्देशन दिएको छ ।
केन्द्रीय बैंक नेपाल राष्ट्र बैंकका कार्यकारी निर्देशक बमबहादुर मिश्रले विहीवार एक निर्देशन जारी गर्दै एटिएमबाट नगद कारोबारको सीमा तोकिदिएका हुन् । सुरक्षा व्यवस्था र विशेष परिस्थितिको हवाला दिंदै नेपाल राष्ट्र बैंकले उक्त निर्देशन जारी गरेको हो ।