News Portal

  • भक्तपुरको उप निर्वाचन जित्न देउवाको निर्देशन : पार्टीले सबै सहयोग गर्ने प्रतिवद्धता

    भक्तपुर, २० भदौ
    १७३१ पटक
    भक्तपुर, २० भदौ

    नेपाली काँग्रेसका सभापति शेरबहादुर देउवाले भक्तपुर खाली रहेको प्रदेश सभामा हुने उप निर्वाचनमा जित्नेगरी अघि बढ्न भक्तपुर काँग्रेसका नेता कार्यकर्तालाई निर्देशन दिएका छन् ।

    शुक्रबार भक्तपुरको बोडेमा पार्टीको केन्द्रीय नीति तथा प्रशिक्षण प्रतिष्ठानले आयोजना गरेको प्रशिक्षण कार्यक्रम उद्घाटन गर्दै सभापति देउवाले उप निर्वाचन जित्न आवस्यक सबै सहयोग केन्द्रले गर्ने भन्दै त्यसका लागि योजना बनाएर अघि बढ्न निर्देशन दिएका हुन् ।

    भक्तपुरको निर्वाचन क्षेत्र नम्बर १ अन्तर्गत प्रदेश ‘क’ चाँगु क्षेत्रमा उप निर्वाचन हुने तय भएको छ ।

    कार्यक्रममा पार्टी हराउन अन्तर्घात गर्नेहरुलाई नछाड्ने जिकिर गरेका देउवाले अन्तरघात गर्नेहरुकै कारण पार्टी कमजोर भएको भन्दै अब यो क्रम रोक्न आफू विशेष रुपमा लाग्ने बताए । उनले पार्टी लाई बास्तविकरुपले एकतावद्ध गरेर अघि बढ्नुपर्ने आवश्यकता औल्याउदै बिधि र पद्धतीप्रती इमान्दार भएर लाग्नुपर्नेमा जोड दिए ।

    कार्यक्रममा सरकारप्रति आक्रामक देखिएका देउवाले दुई तिहाइको आडमा सरकार निरङ्कुश बनेको प्रतिक्रिया दिंदै राज्यको सेना, प्रहरी, कर्मचारीप्रति गुलामको जस्तो व्यवहार गरेको आरोप समेत लगाए ।

    उक्त अवसरमा वरिष्ठ नेता रामचन्द्र पौडेलले पार्टी नेताको वरिपरि घुमेर नहुने भन्दै जनताको वरिपरि घुम्ने काँग्रेस आवश्यक भएको भनेका थिए । उनले सरकारले लोकतन्त्र मास्न खोजेकोले काँग्रेस ससक्त ढंगले अघि बढ्नुपर्ने बताए ।

    उक्त अवसरमा केन्द्रीय नीति तथा प्रशिक्षण प्रतिष्ठानका प्रमुख बिमलेन्द्र निधि,महामन्त्री शशांक कोईराला, नेता कृष्णप्रसाद सिटौला लगायतले बलियो काँग्रेस कसरी बनाउने भन्ने बिषयमा बिचार व्यक्त गरेका थिए ।

    नेपाली काँग्रेस केन्द्रीय नीति, अनुसन्धान तथा प्रशिक्षण प्रतिष्ठानले भक्तपुरमा प्रशिक्षण कार्यक्रम राखेको हो ।

    कृषि विकास बैंकको तालीम केन्द्रमा भैरहेको उक्त प्रशिक्षण कार्यक्रम नेपाली काँग्रेस भक्तपुर जिल्ला कार्यसमितिको संयोजन तथा व्यवस्थापनमा संचालित छ ।

    शनिवार सम्म हुने २ दिने प्रशिक्षणमा प्रदेश नम्बर ३ का ७ जिल्लाका महाधिवेशन प्रतिनिधिको सहभागिता छ । उपत्यकाका ३ जिल्लाका साथै काभ्रेपलाञ्चोक, सिन्धुपाल्चोक, दोलखा र रामेछापका प्रतिनिधि प्रशिक्षणमा सहभागी हुँदैछन् ।

    नेपाली काँग्रेस भक्तपुरका सभापति दुर्लभ थापाका अनुसार ७ जिल्लाका ३ सय १२ जना महाधिवेशन प्रतिनिधि प्रशिक्षण कार्यक्रममा सहभागी छन् । समसायिक राजनीतिक, आर्थिक, सामाजिक लगायतका विषयमा आरजु राणा देउवा, गिरिराज शर्मा, राजु नेपाल, पुरुषोतम दाहाल लगायतले प्रशिक्षण प्रदान गर्ने जनाइएको छ ।

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...