News Portal

  • १४ लाख बजेट छुट्याइएको पोखरी १० लाखमै निर्माण सम्पन्न : प्रमुख प्रजापतिद्वारा उद्घाटन

    भक्तपुर, २७ भदौ
    ४२७८ पटक
    भक्तपुर, २७ भदौ

    भक्तपुर नगरपालिकाका प्रमुख सुनिल प्रजापतिले वडा नम्बर ८ जेंलास्थित जेंला पोखरी (पुखुचा) को उद्घाटन गरेका छन् । भक्तपुर नगरपालिकाको आर्थिक सहयोगमा पुनःनिर्माण सम्पन्न गरिएको पोखरी शुक्रवार प्रमुख प्रजापतिले उद्घाटन गरेका हुन् ।

    जेंला पोखरी उपभोक्ता समितिहरुमार्फत् पुनःनिर्माणको कार्य सम्पन्न गरिएको हो । यसको लागत इस्टिमेट रु १४ लाख बराबरको थियो भने करिब १० लाख ४ हजारको लागतमा पुनःनिर्माण कार्य सम्पन्न भएको उपभोक्ता समितिले जनाएको छ ।

    उक्त अवसरमा आयोजित सभालाई सम्बोधन गर्दै नगरप्रमुख प्रजापतिले पुराना सम्पदाहरुको पुनःनिर्माणमा पुरानै शैली र प्रविधि अपनाएर नगरपालिकाले कला, सस्कृती र इतिहास जिवन्त बनाइराखेको जिकिर गरे । उनले पोखरीहरुको महत्वबारे प्रस्ट पार्दै नयाँ पुस्ताको लागि यिनीहरु अमूल्य सम्पत्तिको रुपमा रहेको बताए ।

    फरक प्रसंगमा बोल्दै प्रमुख प्रजापतिले डेंगु रोगबाट बच्न सरसफाइमा बढी ध्यान दिनुका साथै समुदायलाई सचेत पार्दै परिचालन गर्नुपर्ने आवश्यकता औल्याए । नेमकिपाका केन्द्रिय सदस्य समेत रहेका नगरप्रमुख प्रजापतिले नजिकिँदै गरेको नेमकिपाको सातौं महाधिवेशनमा सहभागिताको निम्ति आह्वान समेत गरेका थिए ।

    उक्त अवसरमा भक्तपुर नगरपालिकाकी उपप्रमुख रजनी जोशीले पुर्खाले सिर्जेको सम्पत्तिलाई अब प्रविधिसँग जोड्दै लानुपर्नेमा जोड दिएकी थिइन् भने वडा नं. ८ का वडाध्यक्ष महेन्द्र खायमलीले जनताको साथ र सहयोग प्राप्त भएकै कारण भक्तपुरको विकास सम्भव भएको बताएका थिए ।

    कार्यक्रममा नेमकिपा वडा नं. ८ का इन्चार्ज कृष्णप्रसाद कोजु, अनुगमन समितिका संयोजक एवम् वडा सदस्य शिवप्रसाद बाला, अनुगमन समिति सदस्य शिवराम बोहजु र जेंला पोखरी उपभोक्ता समितिका अध्यक्ष पुण्यराम बोहजुले पनि आ-आफ्नो बिचार व्यक्त गरेका थिए ।

    प्रतिकृया दिनुहोस्

    पत्रकार सिलवाललाई पितृशोक

    प्रेस सेन्टर नेपाल भक्तपुरका कोषाध्यक्ष, नेपाल पत्रकार महासंघ जिल्ला शाखा भक्तपुरका सदस्य एवं जनगर्जन पत्रिकाका...

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...