भक्तपुर, १० भदौ मासुको परिकार मन पराउनेहरुका लागि दशैँमा शारारीक समस्याको चिन्ता पनि उत्तिकै रहन्छ । खानपिनसंगै पर्याप्त ब्यायाम नभए तन्दुरुस्त नभईने चिन्ताले मानिसहरु आफ्नो मन मारेर दशैमा थोरै खानेबारे सचेत हुन्छन । तर, पर्व हो आफन्त र साथीभाइको करको अगाडि अड्कले भन्दा बढी त खाई नै हालिन्छ ।
दशैँमा धेरै खाइयो भनेर चिन्ता गर्नेहरुका लागि भक्तपुरको कौसलटार र सानोठिमीको बीचमा स्थित एक फिजिकल फिटनेस सेन्टरले आकर्षक अफर ल्याएको छ । मध्यपुर थिमी नगरपालिकाको वडा नम्बर २ मा रहेको वेब हिमालय हिमालय फिटनेस एण्ड स्पोर्ट्स सेन्टरले आकर्षक दशैँ अफर ल्याएको हो । यो संस्था वडा कार्यालय नजिकै रहेको छ ।
वेब हिमालय हिमालय फिटनेस एण्ड स्पोर्ट्स सेन्टरले दशैको अवसर पारेर प्रति दिन १ सय रुपियाँमा फिटनेसका लागि आफ्नो सेवा उपलब्ध गराएको छ । फिजिकल फिटनेसका इच्छुक भए पनि भर्ना शुल्क र मासिक शुल्क तिर्न तयार नहुनेहरुका लागि वेबले आफ्नो दशैँ योजना अघि सारेको सस्थाका संचालक उमेश जंग सिजापतीले बताए ।
सिजापतीका अनुसार १ सय रुपियाँ तिरेपछि एक दिनभरका लागि सेवाग्राहीलाई फिजिकल फिटनेसको सेवा उपलब्ध गराइन्छ । आफू अनुपस्थित दिनको पैसा नलाग्ने र इच्छा अनुसार आवश्यक दिनमा सेवा लिन सकिने उनको भनाई छ ।
फिजिकल फिटनेसको लागि पर्याप्त आवश्यक सामाग्री भएको वेबमा कुसल प्रशिक्षकले फिटनेस सिकाउने हुँदा आफू सन्तुष्ट रहेको वेबको दशैँ अफरबाट आकर्षित भै फिटनेस शुरु गरेका स्थानीय रविन्द्र दाहालले बताए । यो शान्त वातारणमा पर्याप्त ठाउँ पुग्ने गरी खोलिएकोले आफूलाई धेरै मन परेको उनको भनाई छ ।
फिटनेसलाई व्यवसाय भन्दा पनि सेवामुखी बनाउदै संचालन गरेको आफू पनि बडी बिल्डिंगमा लागेका वेब हिमालय फिटनेस एण्ड स्पोर्ट्स सेन्टरका संचालक उमेश जंग सिजापतीको जिकिर छ ।