भक्तपुर, १२ असोज मध्यपुर थिमी नगरपालिका वडा नं ५ का निर्वाचित वडा सदस्य चन्द्र कृष्ण प्रजापतिकाे असमायिक निधन भएको छ । हृदयघातका कारण उनको असमायिक निधन भएकाे हो ।
शनिवार उपचारको लागि नर्भिक अस्पताल पुर्याइएका वडा सदस्य प्रजापतिलाई अस्पतालले ह्दयघातका कारण मृत्यु भएको घोषणा गरिदिएको वडा नं ५ का वडाध्यक्ष अमृतमान श्रेष्ठले भक्तपुर पोस्टलाई बताए । वडाध्यक्ष श्रेष्ठका अनुसार प्रजापतिको शनिवार साँझ नै बैदिक परम्परा अनुसार अन्त्येष्टि गरिएको छ ।
नेपाली काँग्रेसका स्थानीय नेता समेत रहेका प्रजापतिलाई पार्टीको जिल्ला सभापति दुर्लभ थापा, मध्यपुर थिमी नगरपालिकाकी उपप्रमुख अन्जनादेवी मधिकर्मी लगायत जिल्लाका नेताहरुले पार्टीको झण्डा ओढाएर अन्तिम श्रद्धान्जली र सम्मान दिएका थिए ।
काँग्रेसका निर्वाचित जनप्रतिनिधि प्रजापतिको देहावसानले पार्टीलाई ठुलो क्षती पुगेको सभापति थापाले बताए ।
६४ वर्षको उमेरमा ज्यान गुमाएका प्रजापतिका श्रीमती १ छोरा र ३ छोरी छन् ।