News Portal

  • भक्तपुर नगरपालिकालाई राउटेको पनि कर चाहिएको छ : सांसद बस्नेत

    बाबुराम दाहाल / भक्तपुर पोस्ट भक्तपुर, १३ असोज
    ४१३४ पटक
    भक्तपुर, १३ असोज

    सत्तारुढ दल नेपाल कम्युनिष्ट पार्टी (नेकपा) का केन्द्रीय सदस्य समेत रहेका प्रतिनिधिसभा सांसद महेश बस्नेतले नेपाल मजदुर किसान पार्टी (नेमकिपा)को सामाजिक फासिवाद मान्य नहुने बताएका छन् ।

    आइतवार सूर्यविनायक नगरपालिकाको सूवर्ण चौकस्थित इम्पेरियल बैंक्वेटमा योयो युनिटीद्वारा आयोजित पदभार ग्रहण तथा दशैको शुभकामना आदानप्रदान कार्यक्रममा प्रमुख अतिथि रहेका सांसद बस्नेतले नेमकिपाले फरक आस्था राख्नेहरुलाई अनावश्यक दुख दिन नगरपालिकालाई प्रयोग गरिरहेको आरोप लगाए ।

    नेमकिपा नेतृत्वको भक्तपुर नगरपालिकाले नगर क्षेत्र भित्र आफ्नो पार्टीका मान्छे बाहेक अरुलाई नक्सा पास पनि नगर्ने गरेको जिकिर गर्दै सांसद बस्नेतले बिभिन्न बहानामा नगरपालिकाले फरक आस्था राख्नेहरुलाई दुख दिने गरेको दावी गरे ।

    ”भक्तपुरलाई जेमा पनि कर उठाउन परेको हुन्छ । कर नपाउने भएपछि दैलेख देखि आएका राउटेलाई पनि उनका सामान भक्तपुरमा प्रदर्शन गर्न दिइएन । भक्तपुर नगरपालिकालाई राउटेको पनि कर चाहिएको छ ।” सांसद बस्नेतले भने ।

    नगरपालिकाको बिकासनिर्माणका काम कसरी हुन्छ भन्ने अरुलाई थाहाँ नै नहुने भन्दै सांसद बस्नेतले २ अर्वको वार्षिक बजेट भएको भक्तपुरले सोहि अनुपातमा बिकाशनिर्माणको काम नगरेको बताए । ” फरक आस्था राख्नेलाई काम नदिने, अमानतमा काम गराउने परिपाटी अब बन्द गराउनुपर्छ ।” उनले भने ।

    आफूले भक्तपुर जिल्लाकै बिकाश र समृद्धिको पहल गरेको भन्दै सांसद बस्नेतले भक्तपुर नगरपालिकाले विभिन्न वहानामा विकासका काम रोक्ने प्रयास गरेको समेत बताए । अधिकांस समय भक्तपुर नगरपालिकाप्रति असन्तुष्टी व्यक्त गर्दै आक्रामक अभिव्यक्ति दिएका सांसद बस्नेतले योयो युनिटीले भक्तपुर नगरपालिकाको विभेद र अनावस्यक बिरोधका विरुद्ध ससक्त प्रतिकार गर्नुपर्ने समेत सुझाव दिए ।

    व्यवसायीबाट राजनीतिकर्मी बन्न खोजेका रोमन शिलाकारको प्रशंसा गर्दै सांसद बस्नेतले शिलाकार नेमकिपासंग लडेर अघि बढिरहेको र भक्तपुरका सबै युवाले उनको बाटो पछ्याउनुपर्ने धारणा व्यक्त गरेका थिए ।

    उक्त अवसरमा संसद बस्नेतले आफूले धेरै बिकाश निर्माणका काम सम्पन्न गरिसकेको बताउदै भक्तपुरमा ५ हजार क्षमता भएको कभर्डहल, ५० हजार क्षमाता भएको अन्तर्राष्ट्रिय स्तरको रंगशाला पनि बनेरै छोड्ने जिकिर गरे । सुरुङ मार्ग निर्माण गरी ट्राफिक व्यवस्थान गर्ने योजनाको खुलासा गर्दै उनले हनुमन्ते करिडोर बनाएर बैकल्पिक सडकको रुपमा विस्तार गरिने समेत बताए ।

    उक्त अवसरमा चाँगुनारायण नगरपालिकाका मेयर समेत रहेका नेकपाका केन्द्रीय सदस्य सोम मिश्र लगायतका बक्ताहरुले नेमकिपाका कारण भक्तपुर नगरपालिकामा लोकतन्त्र नआएको बताएका थिए । कार्यक्रममा प्रदेश सांसद प्रतिमा श्रेष्ठ र शशिजंग थापा, सूर्यबिनायककी उपप्रमुख जुना बस्नेत,वडा नं ८ का वडा अध्यक्ष किरण थापा त्यसैगरी नेकपा जिल्ला अध्यक्ष बचन देउजा लगायत अतिथिको रुपमा उपस्थित भएका थिए ।

    भक्तपुरका युवा तथा व्यवसायीहरुको संलग्नता देखिएको योयो युनिटीले उक्त अवसरमा बिभिन्न व्यक्तिहरुलाई सम्मान गरेको थियो । योयोका अध्यक्ष रुपेश शिलाकारको अध्यक्षतामा सम्पन्न कार्यक्रमको संचालन निशा पन्थीले गरेकी थिइन् ।

    उक्त अवसरमा सांगीतिक प्रस्तुती समेत गरिएको थियो । भक्तपुरका गायक कपिल कस्पाल र निवर्तमान मिस भक्तपुर रोसिका देउजाले संचालन गरेको सांगीतिक कार्यक्रममा उनीहरुका अलावा अजर जङम, बसन्त सापकोटा, अन्जिला रेग्मी, रोजि श्रेष्ठ, रोशन धौभडेल, एन्जेला श्रेष्ठ, भुपेन्द्र महत, श्रीजल मधिकर्मी, अधिश्री कसपाल, सर्वश्री कसपाल, अजय लामा लगायतले आ-आफ्नो प्रस्तुती प्रदर्शन गरेका थिए । प्रस्तुत सांगीतिक कार्यक्रमको संयोजन गायक कपिल कस्पालको रहेको थियो ।

    प्रतिकृया दिनुहोस्

    अक्सफोर्डका विद्यार्थीलाई आत्मविश्वास, सहकार्य र निर्देशनको पालना सम्बन्धी अभिमुखीकरण

    भक्तपुर १ सल्लाघारीस्थित अक्सफोर्ड प्राक्टिकल स्कुलले विद्यार्थी मार्ग निर्देशन, प्रतिभा पहिचान तथा पुरस्कार वितरण कार्यक्रम...

    लौहकिन्थलीस्थित मझेरी क्याफेमा छापामार्दा १६ जना समातिए

    भक्तपुरको मध्यपुर थिमी १ लौहकिन्थलीस्थित मझेरी क्याफेमा छापामारी प्रहरीले १६ जनालाई समातेको छ । उक्त...

    विश्व डाउन सिन्ड्रोम दिवसमा समावेशी शिक्षा र जिविकोपार्जन सम्बन्धी गोष्ठी सम्पन्न

    हरेक वर्ष बिश्व डाउन सिन्ड्रोम दिवसको अवसरमा विभिन्न कार्यक्रमहरू आयोजना गर्दै आइरहेको डाउन सिन्ड्रोम समाज...

    नेराकस (निजामती) को बागमती प्रदेशमा ढुंगानाको अध्यक्षतामा २१ सदस्यीय नयाँ कार्यसमिति

    नेपाल राष्ट्रिय कर्मचारी संगठन (निजामती) को बागमती प्रदेश अध्यक्षमा श्रवण ढुंगाना निर्वाचित भएका छन् ।...

    पारिवारिक दुश्मनीले लियो ११ जनाको ज्यान

    पाकिस्तानमा एक प्रमुख स्थानीय राजनीतिज्ञसहित एघार व्यक्तिको हत्या भएको छ । बन्दुकधारीहरुले मङ्गलबार सो नरसंहार...