News Portal

  • भक्तपुरमा मजदुरी गर्ने युवकलाई नक्कली भान्जा बनाएर मृगौला झिकेपछि डाक्टरसहित ५ पक्राउ

    भक्तपुर, ३० असोज
    १७४१ पटक
    भक्तपुर, ३० असोज

    मृगौला झिकेर बेच्ने कार्यमा अस्पतालकै संलग्नता भेटिएको छ । ललितपुरको पुल्चोकमा रहेको निदान अस्पतालले यस्तो काम गरेको भेटिएको हो ।

    अस्पतालले एक व्यक्तिको मृगौला झिकेर अर्कै व्यक्तिलाई बेचेको खुलेपछि प्रहरीले उक्त अस्पतालका (प्रमुख कार्यकारी अधिकृत) सीइओसहित पाँच जनालाई पक्राउ गरेको छ । साथै प्रहरीले मृगौला किन्ने व्यक्तिलाई पनि पक्राउ गरेको छ ।

    बुधवार प्रहरीको मानव बेचबिखन अनुसन्धान ब्युरोले पत्रकार सम्मेलन गरी मृगौला बेचबिखनमा संलग्नलाई पक्राउ गरिएको जनाएको हो । प्रहरीले अस्पतालका सीईओ विपेन्द्र प्रधान, अस्पतालका कानुनी सल्लाहकार कुमुदकुमार भट्टराई, अस्पतालका डाक्टर राजेश पन्त, मिर्गौला लिने बिरामी शंकरलाल लामा र जिल्ला प्रशासन कार्यलयका शाखा अधिकृत रामचन्द्र आलेलाई पक्राउ गरेको छ । उनीहरुलाई प्रहरीको मानव बेचबिखन अनुसन्धान व्यूरोले पक्राउ गरेको हो ।

    ब्युरोका अनुसार काभ्रे स्थायी घर भई हाल भक्तपुर बस्ने एक युवकलाई प्रलोभनमा पारी झुक्याएर मृगौला झिकिएपछि उनीहरु पक्राउ परेका हुन् । भक्तपुरको एक गलैँचा कारखानामा काम गर्ने ती युवकलाई ३ लाख रुपैया दिएर नक्कली भान्जा बनाइ मृगौला झिकिएको तथ्य बाहिर आएको छ । सानै उमेरमा भक्तपुर पसेका पिडित युवक इटाभट्टा, होटल, बसकाे सहचालक हुँदै गलैचा मजदुरकोरुपमा भक्तपुरमा मजदुरी गर्दै आएका छन् । उनको गरिबीको फाइदा उठाई आर्थिक प्रलोभनमा पारी मृगौला झिकिएको बताइएको छ । प्रचलित कानुनले पैसा लिएर मृगौला लिनदिन नपाइँने व्यवस्था गरेको छ ।ब्यूरोका प्रवक्ता एसपी गोविन्द थपलियाले घटनामाथि थप अनुसन्धान भैरहेको भनेका छन् ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...