भक्तपुरमा बोलेरो जीपको ठक्करबाट एक पैदल यात्रुको मृत्यु भएको छ । मृत्यु हुने पैदल यात्रु ७६ वर्षिया लक्ष्मी देवी भट्टराई हुन् ।

मध्यपुर थिमी नगरपालिका-४ एसएस चोकमा बा १४ च १६८६ नं. को बोलेरोले बिहान ०७:१५ बजे ठक्कर दिंदा उनको ज्यान गएको हो । ओखलढुङ्गाकाे लिखु गाउपालिका- ६ स्थायी घर भई हाल मध्यपुर ठिमी-४ एस.एस. चोक बस्ने भट्टराईलाई उपचारको लागि मध्यपुर अस्पताल लगिएको थियो । अस्पतालले उनलाई ०७:३५ बजेको समयमा मृत घोषित गरिदिएको महानगरीय प्रहरी परिसर भक्तपुरका सूचना अधिकारी रहेका डीएसपी रेवतीरमण पोखरेलले बताए ।

बोलेरो र बोलेरो चालक काभ्रे बेथानचोक-३ घर भई हाल काभ्रे भैसेपाटी बस्ने बर्ष २४ को बिनोद घिमिरे महानगरीय प्रहरी वृत्त ठिमीको नियन्त्रणमा रहेको बताइएको छ । घटनाको थप अनुसन्धान कार्य भईरहेको प्रहरीको भनाइ छ ।