भक्तपुर, १४ कात्तिक
भक्तपुर, १४ कात्तिकमङ्सिर १४ गतेका लागि निर्धारित उपनिर्वाचनमा भक्तपुरका लागि सत्तारुढ दल नेकपा र प्रमुख प्रतिपक्षी दल नेपाली काँग्रेसभित्र उम्मेदवार छान्न सकस भएपनि रविन्द्र मिश्र नेतृत्वको साझा पार्टीले भने आफ्नाे उम्मेदवार तय गरेको छ ।
भक्तपुरको निर्वाचन क्षेत्र नं १ को प्रदेश सभा क्षेत्र नं. १ मा हुने उप निर्वाचनका लागि सुरज प्रधानलाई साझा पार्टीले उम्मेदवार बनाउने घोषणा गरेको छ । साझा पार्टीले बिहीवार पत्रकार सम्मेलन मार्फत उक्त जानकारी गराएको हाे ।
प्रधान उक्त पार्टीका भक्तपुर जिल्ला संयोजक हुन् । २८ वर्षिय प्रधान राजनीतिकर्मीका साथै सफल उद्यमी समेत हुन् ।
उक्त क्षेत्रबाट निर्वाचित हरिशरण लामिछानेको निधन पछि उक्त स्थान रिक्त भएका कारण उपनिर्वाचन हुन लागेको हो । लामिछाने तत्कालिन नेकपा (एमाले) बाट निर्वाचित भएका थिए ।