News Portal

  • बंगलादेशका राष्ट्रपति हमिदद्वारा भक्तपुरको अवलोकन भ्रमण

    भक्तपुर, २६ कार्तिक
    २३६१ पटक
    भक्तपुर, २६ कार्तिक

    बंगलादेशका राष्ट्रपति मोहम्मद अब्दुल हमिदले भक्तपुर नगरको अवलोकन भ्रमण गरेका छन् । नेपालको चारदिने औपचारिक भ्रमणमा आएका राष्ट्रपति हमिदले मंगलबार भक्तपुरको अवलोकन भ्रमण गरेका हुन् ।

    भक्तपुर नगरपालिकाका प्रमुख सुनिल प्रजापतिसहितको टोलीले राष्ट्रपति हमिदको नेतृत्वमा रहेको ५२ सदस्यीय विशिष्ट टोलीलाई स्वागत गर्दै भक्तपुर दरबार क्षेत्रमा अवस्थित सांस्कृतिक र पुरातात्विक महत्व बोकेका सम्पदाहरुको अवलोकन भ्रमण गराएका थिए ।

    उक्त अवसरमा भक्तपुरका सांस्कृतिक, पुरातात्विक र ऐतिहासिक सम्पदाहरुको राष्ट्रपति हमिदले अभिरुचीपूर्वक अवलोकन गरेका थिए भने भक्तपुर नगरपालिकाले उनको सम्मानमा आयोजना गरेको माक प्याखं र देवी प्याखं (नाच)को पनि उनले अत्यन्त रुचीपूर्वक अवलोकन गरेका थिए ।

    उक्त क्रममा राष्ट्रपति हमिदले देवी प्याखंमा भएको शेरसिंह बंगलादेशको एउटा सांस्कृतिक नाचसँग समानता भएको विषयबारे बताए । त्यसैगरी आज कात्तिकको पूर्णिमाको दिन परेकोले स्थानीय दाफा भजनले प्रदर्शन गरेको अन्नको चित्रकला पनि उनले अत्यन्त रुचिपूर्वक अवलोकन गरे ।

    राष्ट्रपति हमिदले भक्तपुरको आर्थिक गतिविधि, पर्यटन, हस्तकला, परम्परागत कृषि पेशालगायतका विषयमा जिज्ञासा राख्दै विश्व सम्पदामा सूचीकृत सम्पदाहरुको मौलिक विशेषता र यसमा प्राकृतिक विपत्तिले पारेको प्रभावबारे जानकारी लिएका  भक्तपुर नगरपालिकाकी प्रेस संयोजक कीर्तिका प्रजापतिले बताइन ।

    उक्त अवसरमा राष्ट्रपति हमिदले राष्ट्रिय कला संग्रहालय, स्वर्ण ढोका, पच्पन्न झ्याले दरबार, सिद्धिलक्ष्मी मन्दिर, यक्षेश्वर महादेव मन्दिर, बहताल हुँदै टौमढी क्षेत्रको पाँचतले मन्दिर र भैरवनाथ मन्दिरको स्थलगत अवलोकन गरेका थिए ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...