News Portal

  • डीपी ढकाललाई भोट माग्न पूर्वप्रधानमन्त्री नेपाल नै घरदैलोमा

    भक्तपुर, २९ कात्तिक
    १५५५ पटक
    भक्तपुर, २९ कात्तिक

    भक्तपुरमा हुनगैरहेको उपनिर्वाचनमा आफ्ना पार्टीका उम्मेदवारलाई भोट माग्न पूर्वप्रधानमन्त्रीसमेत रहेका नेपाल कम्युनिष्ट पार्टी(नेकपा)का वरिष्ठ नेता माधव कुमार नेपाल मतदाताको घरमै पुगेका छन् । शुक्रवार विहान उनी आफ्ना पार्टीका तर्फबाट प्रदेश सभा सदस्यका उम्मेदवार डीपी ढकाललाई भोट माग्दै घर-घर पुगेका हुन् ।

    नेता नेपालले चाँगुनारायण-१ स्थित दुवाकोटमा पुगी पार्टीका उम्मेदवारलाई सूर्य चिन्हमा भोट हाली विजय गराउन अनुरोध गरेका थिए । तीनै तहको सरकारमा नेकपा भएकोले आफ्नो क्षेत्रमा थप विकाश र सुशासनका लागि डीपी सबैभन्दा योग्य उम्मेदवार भएको उनको भनाइ थियो । विरोध गर्नेलाई भन्दा विकाश गर्नेलाई जिताउदा सबैको भलो हुने भन्दै उनले डीपी ढकालको लागि भोट मागेका थिए । चाँगुनारायण क्षेत्रको विकास र समृद्धिको नेतृत्व ढकालले मात्र गर्न सक्ने भन्दै उनले कुनै भ्रम र लोभलालचमा नपरी सूर्य ध्वजाबाहक आफ्ना पार्टीका सशक्त युवा नेता ढकाललाई भोट हाल्न अनुरोध गरेका थिए ।

    निर्वाचन परिचालन कमिटीका संयोजक समेत रहेका नेकपा भक्तपुरका अध्यक्ष वचन देउजाका अनुसार वरिष्ठ नेता नेपाल नेताकार्यकर्तालाई उत्साहित गर्न र मतदातालाई विश्वस्त पार्न मतदाताको घरदैलोमै पुगेर भोट मागेका हुन् । देउजाका अनुसार नेता शुक्रवार दुवाकोटबाट नेकपाले घरदैलो प्रचार अभियान शरु गरेको हो । पूर्व प्रधानमन्त्री समेत रहेका नेपाललाई आफ्नै घरदैलोमा पाउदा मतदाताहरु खुशी देखिन्थे ।

    उक्त अवसरका नेकपा केन्द्रीय सदस्य एवं भक्तपुरका निर्वाचित संघीय सांसद महेश बस्नेतले जनताको दुःख सुखको साथी नेकपा नै भएकोले नेकपाका उम्मेदवार ढकाललाई मतदान गरी विजयी बनाउनेमा पार्टी बिस्वस्त रहेको बताएका थिए भने अर्का केन्द्रीय सदस्य एवं चाँगुनारायण नगरपालिकाका प्रमुख सोम मिश्रले नगरपालिकाले गरेका कामहरु बताउदै प्रदेश सभामा आफ्ना पार्टीका प्रिय नेता हरिशरण लामिछानेको सम्मानका लागि पनि डीपीलाई जिताउनै पर्नेमा जोड दिए ।

    उक्त अवसरमा उम्मेदवार डीपी ढकालले आफ्ना चुनावी प्रतिवद्धता राखेका थिए भने नेकपाका जिल्ला इन्चार्ज, अध्यक्ष लगायत नेतृत्वले चुनावी प्रतिवद्धता पूरा गर्न पार्टी अहोरात्र लागिपर्ने बताएका थिए ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...