News Portal

  • राप्रपाको विद्यार्थी संगठनबाट भक्तपुर अध्यक्षकै नेतृत्वमा विद्यार्थीहरु नेकपा प्रवेश

    भक्तपुर, ९ मङ्सिर
    १५१७ पटक
    भक्तपुर, ९ मङ्सिर

    राप्रपा नेपाल निकट विद्यार्थी संगठनको भक्तपुर जिल्ला कमिटी अध्यक्ष नै नेपाल कम्युनिष्ट पार्टी (नेकपा) मा प्रवेश गरेका छन् ।

    सोमवार राष्ट्रिय प्रजातान्त्रिक विद्यार्थी संगठन भक्तपुर जिल्ला कमिटी अध्यक्ष प्रतिक लामिछानेको नेतृत्वमा कमिटीका पदाधिकारी एवं सदस्यहरु नेपाल कम्युनिष्ट पार्टी (नेकपा )प्रवेश गरेका हुन् ।

    उक्त विद्यार्थी संगठनका जिल्ला कमिटी प्रवक्ता सन्दिप गिरी, जिल्ला कमिटी सदस्यहरु आशिष लामिछाने, स्वरुप काफ्ले, पुजन लामिछाने, सौरभ ढुंगाना, बिबश गिरी, रोशन बस्ताकोटी, अस्मित खडका र मणिराज गिरी लगायत युवाहरु नेकपामा प्रबेश गरेका छन् ।

    नेकपाका केन्द्रीय सदस्यसमेत रहेका भक्तपुर जिल्ला सहइन्चार्ज एवं चाँगुनारायण नगरपालिका प्रमुख सोम मिश्र त्यसैगरी पार्टीका जिल्ला कमिटी सचिव समेत रहेका उम्मेदवार डीपी ढकाल लगायतले नव प्रवेशी विद्यार्थी नेताहरुलाई स्वागत गर्दै पार्टी प्रवेश गराएका थिए ।

    शनिवार मङ्सिर १४ मा हुने उपनिर्वाचन क्षेत्रबाट ३० इञ्जिनियरसहित ४ सय बढी युवाहरु एकसाथ नेकपा प्रवेश गरेका थिए । उनीहरुलाई नेकपाका केन्द्रीय सदस्य एवं राष्टिय युवा संघ नेपालका इन्चार्ज समेत रहेका सांसद महेश बस्नेत र सहइन्चार्ज एवं संयोजक रामप्रसाद सापकोटा दीपशिखाको पहलमा पार्टी प्रवेश गराइएको थियो ।

    सोमबार राप्रपा नेपालका जिल्ला अध्यक्षको नेतृत्वमा सोही निर्वाचन क्षेत्रका विद्यार्थीहरु नेकपा प्रवेश गरेपछि नेकपाको चुनावी माहोल युवामय बनेको छ । विद्यार्थी राजनीतिबाट आएका ३८ वर्षे ससक्त युवा उम्मेदवार भएकाले नेकपामा युवाहरु आकर्षित भएका नेकपा भक्तपुर जिल्ला कमिटी अध्यक्ष बचन देउजा बताउछन ।

    आगामी मंसिर १४ गते भक्तपुर क्षेत्र नं. १ प्रदेश (क) मा हुने प्रदेशसभा सदस्य पदको उपनिर्वाचनको संघारमा विभिन्न पार्टीमा सक्रिय रहेका व्यक्तिहरु पार्टी परित्याग गरी सत्तारुढ दल नेपाल कम्युनिष्ट पार्टी (नेकपा)मा प्रवेश गर्नेहरुको लहर नै चलेको भन्दै अध्यक्ष देउजाले नेकपाका उम्मेदवार ढकाल अत्याधिक बहुमतका साथ विजयी हुने निश्चित भएको दावी गरे ।

    गत आम निर्वाचनमा यस क्षेत्र बाट तत्कालिन नेकपा (एमाले) का उम्मेदवार हरिशरण लामिछाने प्रदेश सभा सदस्यको पदमा बिजयी भएका थिए । गत वर्ष ह्दयाघातका कारण उनको असमायिक निधन भएपछि यहाँ उपनिर्वाचन हुन लागेको हो ।

    प्रतिकृया दिनुहोस्

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...