भक्तपुर, ११ मङ्सिरअर्थमन्त्री डा. युवराज खतिवडाले अनुदानको प्रक्रिया पूरा गरेर पनि सहुलियत ब्याजमा ऋण उपलब्ध नभएमा इमेलद्वारा जानकारी दिन अनुरोध गरेका छन् ।
सहुलियत ब्याज दरको ऋण उपलब्ध गराउन आयोजित सम्झौता कार्यक्रममा उनले सम्झौता गरिएका बैंकहरुबाट राष्ट्रिय युवा परिषद्बीच युवा उद्यमशीलता र स्वरोजगारको प्रबद्र्धन गर्न पाउनु पर्ने ऋण नपाए खबर गर्न आग्रह गरेका हुन् ।
‘सबै प्रक्रिया पुरा गरेर पनि सहुलियत ब्याजदरमा बैंकबाट ऋण नपाए मलाई सिधा इमेल गर्नुहोस्, नदिने बैंकलाई कारबाही हुन्छ’,उनले भने ‘सबै बैंकले १ प्रतिशत मात्रै लगानी गरेको भए ३० अर्ब लगानी हुन्थ्यो र यसबाट ६० हजार जना स्वरोजगार हुन्थे ।’
तीन सरकारी बैंकहरु नेपाल बैंक, राष्ट्रिय वाणिज्य बैंक, कृषि विकास बैंक र निजी क्षेत्रको वाणिज्य बैंक एनएमबी बैंकले राष्ट्रिय युवा परिषद्सँग सहुलियत ब्याजदरको कर्जा उपलब्ध गराउने सम्झौता गरेका छन् ।