पानी बोक्ने गाडीको ठक्करबाट २५ वर्षिया पैदलयात्रीको ज्यान गएको छ । ज्यान जानेमा ज्योती मगर रहेकी छन् ।

सिन्धुपाल्चोक जिल्लाको बाह्रविसे घर भई हाल भक्तपुरको मध्यपुर थिमि ६ पूरानोठिमी बस्ने मगरलाई बा. १२ च. ५६५६ नं. को गाडीले ठक्कर दिदाँ उनको ज्यान गएको हो ।
मध्यपुर थिमी ०५ स्थित प्राणोदय स्कुल नजिकै हिडिरहेकी मगरलाई बिहीवार बिहान सवा नौ बजे गाडीले ठक्कर दिएपछि उनी गम्भीर घाइते भएकी थिइन् ।
घाईते भई उपचारको लागी मध्यपुर अस्पताल ठिमी लगिएकोमा उपचारकै क्रममा विहान ०९:३० बजेको समयमा उनको मृत्यु भएको प्रहरीको भनाइ छ ।

घटनास्थलमा महानगरीय प्रहरी वृत्त ठिमी भक्तपुरबाट टोली खटी गई प्रारम्भिक अनुसान्धान कार्य गरीएको र सवारी साधन तथा त्यसका चालक सिन्धुपाल्चोक घर भई हाल मध्यपुर थिमि न.पा. ७ नगदेश बस्ने बर्ष २८ को बेल बहादुर तामाङलाई नियन्त्रणमा लिई थप अनुसन्धान कार्य भइरहेको महानगरीय प्रहरी परिसर भक्तपुरका सूचना अधिकारी रेवती रमण पोखरेलले जानकारी गराए ।