गृह मन्त्रालयले भक्तपुरको प्रमुख जिल्ला अधिकारी परिवर्तन गरेको छ । विभिन्न जिल्लाका प्रमुख जिल्ला अधिकारी (सिडिओ) परिवर्तन गर्ने क्रममा भक्तपुरको पनि परिवर्तन भएको हो ।
गृहले ५ जिल्लाका प्रमुख जिल्ला अधिकारी (सिडिओ) परिवर्तन गरेको छ ।
गृह मन्त्रालयले सहसचिव हुमकला पाण्डेलाई भक्तपुरको सिडिओको जिम्मेवारी दिएको बताइएको छ भने भक्तपुरमा रहेका सिडिओ नारायण प्रसाद भट्टलाई मकवानपुरको सिडिओमा सरुवा गरिएको जानकारी प्राप्त भएको छ । हुमकला हेटौडास्थित अख्तियार दुरुपयोग अनुसन्धान आयोगको प्रदेश कार्यालय प्रमुख हुन् ।
पर्साका सिडिओ नारायण भट्टराई चितवन र चितवनका जितेन्द्र बस्नेतलाई पर्सा हेरफेर गरिएको छ । लमजुङका सिडिओ डा. डिजन भट्टराईलाई अध्यागमन विभागमा सरुवा गरिएको र उनको ठाउमा लक्ष्मणबहादुर खड्कालाई लमजुङ पठाइएको गृह श्रोतले जनाएको छ ।
भक्तपुर पोस्टको फेसबुक पेज लाइक गर्नुभयो ? पेज लाइक गरि फेसबुकमै खबर प्राप्त गर्नुहोस !