रशु पन्तले ‘किड क्विन नेपाल–२०१९’ को उपाधि जितेकी छिन् ।

नेप्लीज फेसन होमले आयोजना गरेको उक्त प्रतियोगिता राष्ट्रिय नाचघरमा सम्पन्न भएको हो । २१ जना प्रतियोगिहरुले भाग लिएको उक्त प्रतियोगितामा रशुले नगद १० हजार रुपैयाँ राशीको उक्त उपाधि जितेकी हुन् ।

उक्त प्रतियोगितामा रोशिका लामाले फस्ट रनर्सअपको उपाधि जितिन् भने कृष्मा ढुंगनाले सेकेन्ड रनर्सअपको उपाधि जित्न सफल भइन् । समारोहमा सोसियल वेलफेयरको उपाधि सान्भी बानियाँले, मिस ट्यालेन्टको उपाधि सुप्रिया बिष्टले, मिस फ्रेन्डसिपको उपाधि निशा बिकले, मिस स्माईलको उपाधि स्नेहा रजकले, मिस पर्सनालिटीको उपाधि रितिका थापाले, मिस क्याटवाकको उपाधि मनिषा राईले, मिस कल्चरको उपाधि प्रकृना प्रधानाङ्गले जित्न सफल भए ।

फेशन होमकी अध्यक्ष हेमा मानन्धरले बालिकाहरुको प्रतिभा प्रस्तुति र व्यक्तित्व विकाशका लागि आफुहरुले हरेक वर्ष काठमाडौं उपत्यकाका विभिन्न विधालयका बालिका तथा किशोरीहरुबीच यो प्रतियोगिता आयोजना गर्दै आएको बताईन् ।

सञ्चारकर्मी रोजिन शाक्यद्वारा सञ्चालित उक्त प्रतियोगिताको अन्तिम प्रतिस्पर्धाको निर्णायकमा सञ्चारकर्मीद्वय कृष्ण भट्टराई तथा डब्बु क्षत्री, मार्शलआर्टका गुरु अशोक कुमार श्रेष्ठ, नेपाल एयरलाईन्स कर्पोरेशनका अच्युतराज पहाडी, गायिका लसता जोशी, मेकअप आर्टिस्ट मञ्ज कार्की पाण्डे तथा व्यवसायी रोशन सायमी थिए । समाचारदैनिकको खबर