सर्लाहीको त्रिभुवन नगरबाट दुई जना प्रहरी पक्राउमा परेका छन् । पक्राउमा परेका प्रहरीहरु प्रहरी चौकीमा कार्यरत हुन् । उनीहरुलाई ५० हजार रुपैयाँ घुससहित समातिएको हो ।

भारतबाट नेपालतर्फ तस्करीका सामान ल्याउँदै थिए । ती सामान भित्र्याउन सहयोग गरिदिने भन्दै सेवाग्राहीसँग घुस मागिरहेका अवस्थामा समातिए हुन्, प्रहरी नायव निरीक्षक राजेशकुमार सिंह र जवान मनोजकुमार यादव।

बर्दीबासबाट खटिएको अख्तियार दुरुपयोग अनुसन्धान आयोगका टोलीले घुस लिएकै बेला उनीहरुलाई समातिएको हो । सर्लाहीको ब्रह्मपुरी गाउँपालिका वडा नं–४ स्थित सगरमाथा बोर्डिङ स्कुल परिसरमा सेवाग्राहीसँग घुस बुझिरहेका थिए, सिंह र यादव ।

अख्तियारका अधिकारीहरुले बताए अनुसार थप जानकारीका लागि उनीहरुमाथि अनुसन्धान भइरहेको छ ।