बैंकहरुले हाइड्रोपावर क्षेत्रमा गरेको लगानी जोखिममा परेको छ ।

नेपाल विद्युत प्राधिकरणका कारण बैंकको लगानी ठुलो जोखिममा परको हो । ठुलो लगानी जोखिममा पर्ने अवास्था आएको भन्दै बैंकहरुले नै राष्ट्र बैंकमा गुनासो गर्न थालेका छन् ।

वाणिज्य बैंकहरुले प्राथमिकता प्राप्त क्षेत्रमा उर्जा तथा पर्यटनमा १५ प्रतिशत अनिवार्य लगानी गर्नु पर्ने राष्ट्र बैंकको नीतिका कारण पछिल्लो समय उर्जामा लगानी बढ्दै गएको हो ।

वाणिज्य बैंकहरुले हाइड्रोपावरमा १ खर्ब ३० अर्ब ३० कराेड भन्दामाथि लगानी गरेको नेपाल राष्ट्र बैंकले जनाएको छ । साथै नागरिक लगानी काेष, कर्मचारी संचय काेष, र साधारण शेयर मार्फत सर्वसाधारण नागरिकले पनि जलविद्युत क्षेत्रमा अर्बाै रूपैयाँ लगानी गरेका छन् ।

नेपाल विद्युत प्राधिकरणले सम्झौता गरे अनुसार काम नगर्दा जलविद्युत कम्पनीहरुले उत्पादन गरेको विजुली खेर जाने अवस्थाले गर्दा बैंकहरुको लगानी जोखिममा पर्न थालेको गुनासो छ । प्राधिकरणले ट्रान्समिसन लाइन नबनाईदिंदा उत्पादन खेर गईरहेको हो । नेपाल राष्ट्र बैंकका प्रबक्ता लक्ष्मी प्रपन्न निरौलाले आर्थिक सम्बृद्धि र विकासको मेरुदण्डको रुपमा रहेका जलविद्युत क्षेत्रमा समस्या आउँन नहुने बताए ।