News Portal

  • भक्तपुरमा नवप्रवेशी शिक्षकलाई अभिमुखीकरण : अल्छी हुनु नहुनेमा जोड

    भक्तपुर, ९ पुस
    १११३ पटक
    भक्तपुर, ९ पुस

    भक्तपुर नगरपालिकाले नवप्रवेशी शिक्षकहरुका लागि अभिमुखीकरण कार्यक्रम सम्पन्न गरेको छ । शिक्षक सेवा आयोगको सिफारिसबाट भक्तपुर नगरपालिकामा पदस्थापना भएका विद्यालय तहका शिक्षकहरुका लागि अभिमुखीकरण कार्यक्रम सम्पन्न गरिएको हो ।

    मंगलवार नगरपालिकाको शिक्षा शाखा द्वारा आयोजित उक्त अभिमुखीकरण कार्यक्रममा भक्तपुर नगरपालिकाका प्रमुख सुनिल प्रजापतिले शिक्षकहरु कहिल्यै अल्छी हुनु नहुनेमा जोड दिए । स्थायी भएपछि शिक्षक अल्छी हुने धारणा जनमानसमा रहेकोले त्यसलाई गलत सावित गर्नु शिक्षकको चुनौती भएको उनको भनाइ छ । ”जनताले शिक्षकलाई सक्रिय र आफ्नो बच्चा र समाजको राम्रो मार्गदर्शकको रुपमा सम्मान गर्ने वातावरण बनाइराख्नुपर्दछ ।” उनले भने ।

    विद्यार्थीमार्फत शिक्षकको मूल्यांकन अभिभावकले गर्ने भएकोले शिक्षकले विज्ञको रुपमा कक्षाकोठामा प्रस्तुत हुनुपर्ने प्रमुख प्रजापतिले बिचार व्यक्त गरे । उक्त अवसरमा प्रमुख प्रजापतिले निजी र सामुदायिक विद्यालयमा विद्यामान विभेद अन्त्य गर्न भक्तपुर नगरपालिका लागिपरेको जिकिर गर्दै त्यसमा शिक्षकको योगदानको आवश्यक रहेको प्रष्ट पारे । ”निजीमा मिहिनेत गर्ने र सामुदायिक विद्यालयमा कम मिहिनेत गर्ने आरोपबाट शिक्षक मुक्त हुनु जरुरी रहेकोमा उनको जोड छ । नगरपालिकाले शिक्षालाई प्रमुख प्राथमिकतामा राखेको र शिक्षाबाटै समृद्धिको सपना देखेकोले शिक्षकबाट बढी नै अपेक्षा गरिएको उनले बताए ।

    कार्यक्रममा भक्तपुर नगरपालिकाका प्रमुख प्रशासकीय अधिकृत दीपक कोइराला,वडा नं. ७ का वडाध्यक्ष एवम् विद्यालय अनुगमन समितिका अध्यक्ष उकेश कवां,प्राध्यापक तथा स्थानीय पाठ्यक्रम निर्माण समितिका सदस्य सिद्धिरत्न शाक्य, उपसचिव हरिप्रसाद निरौला लगायतले भक्तपुरलाई ज्ञानविज्ञानको केन्द्र बनाउने कार्यमा नवप्रवेशी शिक्षकहरुले महत्वपूर्ण भूमिका खेल्ने विश्वास व्यक्त गरेका थिए भने स्रोत व्यक्ति कृष्णप्रसाद कर्माचार्यले शिक्षक आचारसंहिताको विषयमा बताएका थिए ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...