भक्तपुर, ९ पुस
भक्तपुर, ९ पुसप्रभु लाइफ इन्स्योरेन्स लिमिटेडले तीन नयाँ शाखा विस्तार गरेको छ । सुर्खेत, कैलालीको र टीकापुरमा शाखा तथा अत्तरियामा उप–शाखा खोलेर कारोबार सुरु गरेको लिमिटेडको जानकारी छ ।
कम्पनीका अध्यक्ष डा. आत्माराम घिमिरेले पुस ७ र ८ गते तीनवटै कार्यालयको उदघाटन गरेका हुन् । उनले कम्पनी शाखा विस्तारकै क्रममा रहेको बताए । उदघाटन कार्यक्रममा कम्पनीका प्रमुख कार्यकारी अधिकृत तथा प्रमुख व्यवसाय अधिकृत पनि सहभागी थिए ।
प्रमुख कार्यकारी अधिकृत नारायणप्रसाद पौडेलले जीवन बिमालाई गाउँसम्म पुर्याउने उद्देश्यसहित प्रभु लाइफ इन्स्योरेन्सको स्थापना भएको बताए । आगामी दिनमा कम्पनीले आवश्यकताअनुरूप देशैभर थप शाखा विस्तार गर्दै लैजाने पनि उनले बताए ।
पौडेलका अनुसार कम्पनीले सर्वसाधारणका लागि चाँडै ६० करोड रुपैयाँको सेयर निष्काशन गर्ने तयारीमा छ ।